Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஓயாமல் சொக்க வைக்கும் ‘ஓயா.. ஓயா !’ - காஷ்மோரா இசை விமர்சனம் #SanthoshNarayanan

காஷ்மோரா. 

கார்த்தி, நயன்தாராவுடன் கைகோர்க்கும் முதல் படம். ’இதற்குத்தானே ஆசைப்பட்டாய் பாலகுமாரா’ இயக்குநர் கோகுலின் அடுத்த படம். பெரிய பட்ஜெட். படத்தின் பெயர், ஸ்டில்ஸ் எல்லாமே ஒரு மார்க்கமாகவே இருக்க, இசை.. சந்தோஷ் நாராயணன். எப்படி இருக்கிறது பாடல்கள்?

பாடல்: திக்கு திக்கு சார்..
வரிகள்: லலிதானந்த்
குரல்: சந்தோஷ் நாராயணன்

சந்தோஷின் டிபிகல் டோனில் ஆரம்பிக்கிற பாடல். கூடவே ‘ஓட்ரா ஓட்ரா’ என வரும் கோரஸ் சுவாரஸ்யம். இரண்டாவது இடையிசை எனக்குள் ஒருவன் பாடலை நினைவுபடுத்தினாலும் ரசிக்கவைக்கிறது. வரிகளும் குறையில்லை ரகம். வழக்கமான சந்தோஷ் நாராயணன் பாடல்.     

பாடல்: ஜகதம்மா..
வரிகள்: முத்தமிழ்
குரல்: அனந்து

முந்தைய திக்கு திக்கு பாடலின் தொடர்ச்சியோ என்று நினைக்க வைக்கிற, அதன் சகோதரப் பாடல். உடுக்கை கவனமீர்க்கிறது. பரபர வரிகள் ரசிக்க வைக்கிறது.  முடியும்போது பரபரவென உடுக்கை ஒலிக்க, ஏறுகிற டெம்போ ஸ்டைல் நன்று! 

பாடலைக் கேட்க

பாடல்: ஓயா.. ஓயா
வரிகள்: லலிதானந்த்
குரல்: கல்பனா ராகவேந்தர்

ஹாரிஸா.. சந்தோஷா என்று ஒரு நிமிஷம் பார்க்க வைக்கிற அட்டகாச ஆலாப்-பில் ஓர் ஆரம்பம். மெதுவாக இணைகிற கல்பனாவின் குரல்.  உடனேயே இணைகிற மிருதங்கமும் தவிலும் ‘அட.. சந்தோஷா இது!’ என்று சந்தோஷப்படுத்துகிறது. நானறிந்தவரை, இதுவரை அவர் செய்திராத ஃப்யூஷன். சரணத்தின் மெட்டு.. அட்டகாஷ். வரிகளில் முற்றுப்பெறா வாக்கியத்தை எழுதி கலக்கியிருக்கிறார் லலிதானந்த். கல்பனாவின் குரலில் நித்யஸ்ரீயின் சாயல். பாடலுக்குப் பொருந்துகிற குரல். இரண்டாம் இடையிசையில் ‘கொன்னக்கோல்’ பிரமாதம்! அதனுடனேயே இணையும் கல்பனாவின் குரலும் சிரிப்பும்... இன்னும் பிரமாதம். நீள்கூந்தளில் சூட, காதலனின் மூச்சை பூவாகக் கற்பனை செய்தமைக்கும், ‘கல்வெட்டுப் போல் எந்தன் கன்னம்.. உன் பல்பட்டு வரலாற்றுச் சின்னம்’ போன்ற ‘வாலி’ப வரிகளுக்கும் - கவிஞரே... கை குடுங்க!     

பாடலைக் கேட்க 

 

 

பாடல்: தகிட தகிட
வரிகள்: முத்தமிழ் 
குரல்கள்: சாய் சரண், சந்தோஷ் நாராயணன் 

சந்தோஷின் இன்னொரு பெப்பி சாங்! பாடலின் கூடவே ‘தகிட தகிட தை தாராரோ’ ஒலிப்பது சிறப்பு. அதே மெட்டில்தான் பாடல் முழுவதுமே. பல்லவி வேறொரு மெட்டில் ஆரம்பித்து, தகிட தகிட தை வந்தபிறகு முழுவதும் அதே மெட்டு. பாலும் பழமும் பாடலை, பாலும் பழமும் என்ற இரண்டு வார்த்தைகளின் மெட்டிலேயே பாடலாம் என்பதைப்போல, இந்தத் தகிட தகிட தை தாராரோ-வின் பெரும்பாலான வரிகளை அந்த மெட்டில் பாடலாம். பாடல் காட்சிகள் சிறப்பாக அமைந்து, திரும்ப திரும்ப கேட்டால் ஹிட்டடித்துவிடுகிற பாடல்.   

காஷ்மோரா - ப்ளாக் மேஜிக் என்கிற சிக்கலான சப்ஜெக்ட் என்பது ட்ரெய்லரிலேயே தெரிகிறது. ஓயா ஓயா நிச்சயமாக ஹிட் லிஸ்ட் பாடல். மற்ற பாடல்களை படத்தின் வெற்றிதான் முடிவு செய்யும். ஆனாலும், சந்தோஷ், தன் வழக்கமான ஸ்டைலிலிருந்து விலகி புதியவகை ஃப்யூஷன்களை நமக்கு தருவது இனிமையான விஷயம்!

-பரிசல் கிருஷ்ணா
 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close