Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அமீர் கான் படத்தால் ட்விட்டரில் வெடித்த யுத்தம்!

புதிதாக வெளியாகும் திரைப்படங்கள் ட்விட்டர் உள்ளிட்ட சமூக ஊடகங்களில் உடனடி விமர்சனத்தையும் வரவேற்பையும் சந்திப்பது வழக்கமாக இருக்கும் காலம் இது. பாலிவுட் நடிகர் அமீர் கானின் சமீபத்திய படமான பிகே -ம் இதற்கு விதிவிலக்கல்ல. ஆனால் அமீர் கானின் படம் ட்விட்டரில் பலத்த சர்ச்சையை ஏற்படுத்தியிருப்பதோடு ,ஆதரவாகவும் எதிர்ப்பாகவும் குரல் கொடுக்கும் ஹாஷ்டேக் யுத்ததிற்கும் வித்திட்டுள்ளது.

ராஜ்குமார் ஹிரானி இயக்கத்தில் அமீர்கான் நடித்துள்ள பிகே திரைப்படம் கடந்த 19 ம் தேதி வெளியானது. அமீர்கானின் இந்த படம் அது உருவாகி வந்த போது பெரும் எதிர்பார்ப்பை ஏற்படுத்திருந்த நிலையில் வெளியானதுமே பரவலான கவனத்தை ஈர்த்தது.


வழக்கமான அமீர் கானின் படங்களின் நேர்த்தியான அம்சங்களுக்காக பாராட்டப்பட்டாலும் இந்த படத்தின் உள்ளடக்கம் காரணமாக விமர்சனத்திற்கும் ஆளானது. படத்தின் கதையும் ,ஒரு சில காட்சிகளும் இந்து மதத்தை இழிவுபடுத்தும் வகையில் இருப்பதாக பலர் கருதினர். இப்படி கருதியவர்கள் டிவிட்டரில் தங்கள் கருத்தை வெளிப்படுத்தினர். அத்துடன் நில்லாமல் இந்த கருதுக்களுக்காக படத்தை புறக்கணிக்க வேண்டும் எனும் கருத்தையும் சிலர் முன்வைத்தனர். இதற்காகவே #BoycottPK எனும் ஹாஷ்டேகையும் உருவாக்கி படம் தொடர்பான விமர்சன கருத்துக்களை பகிர்ந்து கொண்டனர். விரைவிலேயே இந்த ஹாஷ்டேக் பிரலமாகி மேலும் பலரது கவனத்தை ஈர்த்துள்ளது.

ஆனால், படம் விமர்சனத்தை மட்டும் சந்திக்கவில்லை. அதற்கு நிகராக பாராட்டுக்களையும் பெற்று வருகிறது. அமீர் கானின் ரசிகர்களும் சரி, படத்தில் மத நம்பிக்கையை தவறாக பயன்படுத்திக்கொள்பவர்கள் மீது நகைச்சுவையாகவும் நேர்த்தியாகவும் விமர்சனம் வைக்கப்பட்டுள்ள வித்ததால் கவரப்பட்டவர்களும் படத்தை பாராட்டி குறும்பதிவுகளை வெளியிட்டு வருகின்றனர்.

அது மட்டுமல்ல, படத்தைப் புறக்கணிக்க வேண்டும் எனும் கோரிக்கைக்குப் பதிலடி கொடுப்பது போல , இதற்கு ஆதரவு தெரிவித்து #WeSupportPK. எனும் ஹாஷ்டேகை உருவாக்கி தங்கள் கருத்துக்களை பகிர்ந்து கொண்டு வருகின்றனர். பிகே படத்திற்கு எதிராக வைக்கப்படும் வாதங்களுக்கு பதில் அளிக்கும் வகையில் இந்த குறும்பதிவுகள் அமைந்துள்ளன.


இது ஹாஷ்டேக் யுத்தமாக மட்டும் அல்ல, படத்தின் உள்ளடக்கம் பற்றிய தீவிர உரையாடலாகவும் அமைந்திருக்கிறது.

-சைபர்சிம்மன்-

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close