Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஆஸ்கார் நாயகனின் குடும்பத்திலிருந்து அடுத்த இசைக் கலைஞன்!

ஆஸ்கார் நாயகன் இசையமைப்பாளர் ஏ.ஆர்.ரஹ்மான் குடும்பத்திலிருந்து மீண்டும் ஒரு இசைக்கலைஞன் உருவாகவிருக்கிறார். “கன்னத்தில் முத்தமிட்டால்” படத்தில் அறிமுகமான ஏ.ஆர்.ரஹ்மான் சகோதரி ரிஹானாவைப் போல, ரஹ்மானின் தங்கை மகனான இ.ஆர்.அசார் காஷிஃப் இசையுலகில் பயணிக்கவிருக்கிறார்.

இவரின் அறிமுகமாக “கண்ணாலே” என்ற மியூசிக் விடியோ மூலம் இசையுலகில் தனது பயணத்தை தொடங்கியிருக்கிறார். இளமை பொங்கும் இந்த காதல் பாடலை காஷிஃப் இசையமைக்க பிரபல பாடகர் ஜாவேத் அலி மற்றும் பாடகர் ஸ்ரீநிவாஸின் மகள் சரண்யா ஸ்ரீநிவாஸ் பாடியுள்ளார். இந்த மியுசிக் வீடியோவை அஷ்வின் இயக்கியுள்ளார் விஜய் கார்த்தி கண்ணன் ஒளிப்பதிவில், ஸ்ரீதரன் படத்தொகுப்பை மேற்கொண்டுள்ளார்.

நாளை சென்னை டிரேட் சென்டரில் நடைபெறவுள்ள ‘ பிக் தமிழ் மெலோடி அவார்ட்ஸ்’ விருது வழங்கும் விழாவில் இந்த மியுசிக் வீடியோவை வெளியிடவுள்ளனர்.

அசார் காஷிஃப் பேசுகையில், “ரஹ்மான் அங்கிள் ஸ்டுடியோவிற்கு சென்று அவர் வேலை செய்வதை உன்னிப்பாய் கவனிப்பதுண்டு. இந்த மியுசிக் வீடியோ எனது நெடுநாள் கனவு. ரஹ்மான் மாமா மற்றும் எனது சகோதரன் GV பிரகாஷ் இருவரும் என்னை வாழ்த்தினார்கள். உங்கள் அனைவருக்கும் எனது முதல் பாடல் பிடிக்கும் என்று நம்புகிறேன்” எனக் கூறியுள்ளார். 

MUST READ

எடிட்டர் சாய்ஸ்

[X] Close