Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கலக்கிவரும் கோஸ்ட் கோபால் வர்மா!

பாலா இயக்கத்தில் வெளிவந்த “நான் கடவுள்” படத்தின் மூலம் வில்லனாக பயமுறுத்தியவர் ராஜேந்திரன். வில்லன் கதாபாத்திரத்திற்கே ஏற்ற உடல் வாகு, மொட்டைத் தலை என எல்லோரையும் படத்தில் மிரட்டி எடுத்திருப்பார். ‘உத்தமபுத்திரன்’, ’சிங்கம் 2’ போன்று பல படங்களில் வில்லனாகவே வலம் வந்தவர்.

பின்னர் ராஜேஷ் இயக்கத்தில் “ பாஸ் என்கிற பாஸ்கரன் படத்தில் காமெடியனாக அனைவரையும் ஈர்த்தவர். பின்னர் அதே பாணியை தொடர ஆரம்பித்தார். “ராஜா ராணி” மற்றும் “இதற்குத் தானே ஆசைப்பட்டாய் பாலகுமாரா” படத்தில் பெயிண்டர் ரஜேந்திரனாகவும், டார்லிங் படத்தில் “ கோஸ்ட் கோபால் வர்மா” வேடத்திலும் ரசிகர்களை சிரிக்கவைத்தார்.

வில்லன் பாத்திரம் எடுத்தாலும் படுபயங்கர வில்லனாகவும், காமெடி பாத்திரம் எடுத்தாலும் படுபயங்கர காமெடியனாகவும் கலக்கி வருகிறார். அதுமட்டுமில்லாமல் படத்தின் புரோமொஷன் டீஸர்களில் கூட இவரை முன்னிலைப் படுத்தியே விளம்பரங்கள் வெளிவருர ஆரம்பித்து விட்டன.

“டார்லிங்” படத்தில் “ கோஸ்ட் கோபால் வர்மா , என்னத் தாண்டி கோஸ்ட் வருமா?,  ”ஐயம் வெயிட்டிங்”  என்ற டைலாக்குகளுக்காகவே தியேட்டரில் கூட்டம் குவிந்தது குறிப்பிடத்தக்கது.

தற்போது “இவனுக்கு தண்ணில கண்டம்” என்ற படத்தின் டீஸர் ரிலீஸ் ஆகியிருக்கிறது. அதில் ராஜேந்திரன் “என்னை அறிந்தால்” பட டைலாக்கை மாற்றி, “ ஒரு தம்மாத்துண்டு ரோடு, ரோட்டுக்கு இந்தாண்ட நான் ரொம்ப நல்லவன், குட் பாய்! ரோட்டுக்கு அந்தாண்ட நான் ரொம்ப கெட்டவன் என்ற வசனம் பேசியிருக்கிறார்.

ஹீரோவைத் தவிர்த்து, காமெடியன்களை மையப்படுத்தி டீஸர் வெளிவருவது புது ட்ரெண்ட் ஆகியுள்ளது. “இவனுக்கு தண்ணில கண்டம்” படம் விரைவில் திரைக்கு வரவிருக்கிறது. வெங்கட்ராஜ் தயாரிப்பில் SN சக்திவேல் இயக்கத்தில், பிரபல தொலைக்காட்சி தொகுப்பாளர் தீபக் தின்கர், சாண்டி, சென்ராயன், ராஜெந்திரன் நடிக்கும் ‘இவனுக்கு தண்ணில கண்டம்’ திரைப்படத்தின் டீஸர் அண்ணா பல்கலை கழகத்தில் கல்லூரி நிகழ்ச்சியில் வெளியிடப்படுகிறது.

டீஸரைக் காண: http://cinema.vikatan.com/articles/news/17/8814

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close