Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஜீவா - நயன்தாரா நடிக்கும் ‘திருநாள்’

ஜீவா, ‘ஈ’ படத்திற்கு பிறகு நயன்தாராவுடன் இணைந்து நடிக்கும் படத்திற்கு “திருநாள்” எனப் பெயரிடப்பட்டுள்ளது. 

கடந்த சில மாதங்களாக பல கதைகளை கேட்டும் திருப்தியடையாத ஜீவாவை, இப்படத்தின் கதை வெகுவாக கவர்ந்ததால், உடனடியாக இப்படத்தின் படப்பிடிப்பை துவங்குமாறு இயக்குநரிடம் கூறியுள்ளார். மேலும், ‘தெனாவட்டு’ படத்திற்கு பிறகு, இப்படத்திலேயே கிராமத்து இளைஞனாக ஜீவா நடிக்க உள்ளது குறிப்பிடத்தக்கது.

தமிழில் மட்டுமல்லாது தெலுங்கிலும் முன்னணி நடிகையாக வலம் வரும் நயன்தாரா, இப்படத்தின் கதையை கேட்ட உடனேயே நடிக்க சம்மதம் தெரிவித்து, தனது பிசியான கால்ஷீட்டில் தேதிகளை அட்ஜெஸ்ட் செய்து படத்திற்காக வழங்கியுள்ளார். காதல், ஆக்‌ஷன், காமெடி கலந்த இப்படத்தை பி.எஸ்..ராம்நாத் இயக்க உள்ளார்.

“திருநாள்” படத்தின் படப்பிடிப்பு வரும் மே மாதம் முதல் கும்பகோணத்தில் நடைபெற உள்ளது. இதற்கென கும்பகோணத்தில் பிரம்மாண்டமான வகையில் செட் ஒன்று உருவாக்கப்பட்டு வருகிறது. இப்படத்தை, எம்.செந்தில்குமார் தொடங்கியுள்ள “கோதண்டபாணி பிலிம்ஸ்” எனும் புதிய நிறுவனம் தயாரிக்க உள்ளது. இசை – ஸ்ரீ; ஒளிப்பதிவு – மகேஷ் முத்துசாமி; எடிட்டிங் – வி.டி.விஜயன்; கலை இயக்குநர் – சீனு; சண்டைப்பயிற்சி – சூப்பர் சுப்பராயன்; நடனம் – பாபி, பாலகுமார் ரேவதி, தினா.

எடிட்டர் சாய்ஸ்

[X] Close