Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கௌதம் படத்தில் சிம்புவோடு சேருகிறார் சமந்தா !

கௌதம்மேனன் இயக்கத்தில் சிம்பு நடிக்கும் அச்சம்என்பதுமடமையடா படத்தின் நாயகியாக ஒப்பந்தம் செய்யப்பட்டிருந்த பல்லவிசுபாஷ், படத்திலிருந்து விலகிவிட்டார். படம் மிகவும் தாமதமாவதால் அவர் விலகிக்கொண்டார் என்று சொல்லப்படுகிறது. அதற்குப் பிறகு இந்தப்படத்தில் நாயகியாக நடிக்க வைப்பதற்காகப் பல பெயர்களைப் பரிசீலித்தாராம் கௌதம்மேனன்.

கடைசியாக அவர் செய்திருக்கும் முடிவின்படி சிம்பு ஜோடியாக நடிக்கவிருப்பவர் சமந்தா என்று சொல்லப்படுகிறது. சமந்தா இப்போது விக்ரமுடன் பத்துஎண்றதுக்குள்ள, சூர்யவுடன் 24, தனுஷ் படம் ஆகிய படங்களில் நடித்துக்கொண்டிருக்கிறார். இது தவிர தெலுங்கிலும் நடிக்க ஒப்புக்கொண்டிருக்கிறாராம். எனவே அவருடைய தேதிகள் கிடைப்பது கடினமாக இருக்கிறதாம். இருந்தாலும் கௌதம் படத்தில் நடிக்க சமந்தா தயாராக இருப்பதால் தேதிகள் எப்போது என்பதை முடிவு செய்துவிட்டு அதுபற்றிய அறிவிப்பை வெளியிடலாம் என்று இருக்கிறார்களாம்.

சமந்தாவை நடிக்க வைக்க இன்னொரு காரணமும் இருக்கிறதென்று சொல்கிறார்கள். விண்ணைத்தாண்டிவருவாயா படத்தின் தெலுங்குப்பதிப்பில் சமந்தா நடித்திருந்தார். இந்தப்படத்தையும் அதுபோலவே தமிழ் தெலுங்கு ஆகிய இருமொழிகளிலும் எடுக்கத் திட்டமிடுகிறாராம் கௌதம்மேனன். அதனால் இரண்டு மொழிகளிலும் பிரபலமாக இருக்கும் சமந்தாவையே நாயகியாக்கிவிடலாம் என்ற அவர் முடிவு செய்திருக்கிறாராம். சிம்புவுக்கும் இதில் சம்மதம் என்பதால் சமந்தாவின் தேதிகள் கிடைத்ததும் வேகமாகப் படப்பிடிப்பு தொடங்கிவிடும் என்று சொல்கிறார்கள்.

MUST READ

எடிட்டர் சாய்ஸ்

[X] Close