Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இந்தியில் படம் தயாரிக்கிறார் சித்தார்த்?.

 ’எனக்குள் ஒருவன்’  படம் தமிழில் மிகுந்த வரவேற்பைப் பெறும் என்று நம்பியிருந்தார் அதன் நாயகன் சித்தார்த். ஆனால் அவர் எதிர்பார்த்த அளவு அந்தப்படம் போகாதது அவருக்கு வருத்தமே. அந்தப்படத்துக்குப் பிறகு சித்தார்த், சுந்தர்சியின் ’அரண்மனை’ இரண்டாம் பாகத்தில் நடிக்க ஒப்புக்கொண்டுள்ளதாகச் சொல்லப்படுகிறது.

இதற்கிடையே சத்தமின்றி இந்திப்படமொன்றில் நடித்துக்கொண்டிருக்கிறாராம். தீரஜ் இயக்கும் அந்தப்படத்தைத் தயாரிப்பவர் சித்தார்த்தேதான் என்று சொல்கிறார்கள். காதலில்சொதப்புவதுஎப்படி? என்கிற குறும்படத்தை தமிழில் முழுநீளப்படமாக எடுத்தார் சித்தார்த் இந்தியிலும் அதையே செய்கிறார் என்று சொல்லப்படுகிறது.

புகழ்பெற்ற ஜில்ஜங்ஜக் என்கிற குறும்படத்தைத்தான் அவர் முழுநீளப்படமாகத் தயாரித்துக்கொண்டிருக்கிறாராம். இதுதொடர்பாக எனக்குள் ஒருவன் வெளியீட்டுக்கு முன்பே செய்திகள் வந்தபோது சித்தார்த் அதை மறுத்திருந்தார் என்று சொல்லப்படுகிறது. இப்போது வெளிப்படையாக அறிவிக்காமலேயே பெரும்பகுதிப் படப்பிடிப்பையும் முடித்துவிட்டதாகச் சொல்லப்படுகிறது.

அதன் இறுதிக்கட்டப் படப்பிடிப்பில் இருக்கிறார்களாம். படப்பிடிப்பு முழுமையாக முடிவடைந்ததும் உடனடியாக வெளியிடவும் திட்டமிட்டிருப்பதாகச் சொல்லப்படுகிறது. இந்தியில் அந்தப்படத்துக்கு வரவேற்பு கிடைத்தால் அப்படியே தமிழில் மொழிமாற்றம் செய்து கொண்டுவரவும் திட்டமிட்டிருக்கிறார்களாம். 

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close