Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மணிரத்னத்தின் அடுத்தபடநாயகன் தனுஷ்?

தனுஷ் இப்போது மாரி படத்தை முடித்துவிட்டார். அடுத்து வேலையில்லாப்பட்டதாரி படத்தின் இரண்டாம்பாகத்தின் படப்பிடிப்பு நடந்துகொண்டிருக்கிறது. இதற்கடுத்து வெற்றிமாறன் இயக்கத்தில் ஒருபடம் நடிக்கவிருப்பதாக அறிவிக்கப்பட்டிருக்கிறது. இதற்கடுத்து அவர் நடிக்கும் படத்துக்கான பேச்சுவார்த்தைகளும் நடந்துமுடிந்துவிட்டதாகச் சொல்லப்படுகிறது.

இந்தமுறை தனுஷ் நடிக்கவிருப்பது மணிரத்னம் இயக்கத்தில் என்று சொல்கிறார்கள். மணிரத்னம், ஓகாதல்கண்மணி படத்திற்கு அடுத்து தமிழ் மற்றும் இந்தி ஆகிய இருமொழிகளிலும் எடுக்கிற மாதிரி ஒரு கதையைத் தயார் செய்துகொண்டிருக்கிறாராம். அந்தக்கதைக்கு தனுஷ் பொருத்தமாக இருப்பார் என்றெண்ணி அவரை அணுகியிருக்கிறார்கள்.

கதைக்கருவை கேட்ட தனுஷூக்கு பிடித்துவிட்டதென்று சொல்கிறார்கள். ராஞ்சனா, ஷமிதாப் ஆகிய படங்களைத் தொடர்ந்து இந்தியில் மணிரத்னம் இயக்கத்தில் நடிப்பது என்பதும் தமிழிலும் அவருடைய இயக்கத்தில் ஒருபடம் வருவகிறதென்பதும் தனுஷூக்கு மகிழ்ச்சி என்று சொல்கிறார்கள். தனுஷ் கைவசம் இருக்கும் படங்களை முடித்துவிட்டு வருவதற்கும் மணிரத்னம் தயாராவதற்கும் சரியாக இருக்குமாம்.

இப்போதைக்கு மணிரத்னம் இயக்கத்தில் தனுஷ் நடிக்கிறார் என்பது மட்டும் முடிவாகியிருக்கிறதென்றும் மற்ற நடிகர் நடிகைகள் தொழில்நுட்பக்கலைஞர்கள் பறறி இன்னும் முடிவு செய்யப்படவில்லையென்றும் சொல்கிறார்கள். இந்தவிசயத்தை அவர்களாக அறிவிக்க இன்னும் சில வாரங்களாகும் என்றும் சொல்கிறார்கள்.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close