Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ரஜினியின் புதியபடத்தில் இன்னொரு ஹீரோ?

கலைப்புலிதாணு தயாரிக்க பா.ரஞ்சித் இயக்கத்தில் ரஜினி நடிக்கும் புதியபடத்தின் அதிகாரப்பூர்வ அறிவிப்பு ஜூன் ஒன்றாம்தேதி மதியம் 3.10 க்கு அறிவிக்கப்பட்டது. ஆனால் ஒரு மாதத்துக்கு முன்பே இதுபற்றிய செய்திகள் அதிகாரப்பூர்வமற்ற முறையில் வரத்தொடங்கிவிட்டன.

இந்தப்படத்தின் படப்பிடிப்பு மலேசியாவில்தான் தொடங்கவிருக்கிறது என்கிற செய்தி உட்பட அவர்கள் அதிகாரப்பூர்வமாக அறிவித்த எல்லாச் செய்திகளுமே முன்பே வந்துவிட்டவைதான். அதிகாரப்பூர்வ அறிவிப்பு வந்துவிட்ட பிறகு, இன்னும் கொஞ்ச நாட்களுக்கு படத்தின் பெயர் என்ன? கதாநாயகி யார்? வேறு யாரெல்லாம் நடிக்கப்போகிறார்கள்? என்பது பற்றிய செய்திகள் வந்துகொண்டிருக்கும்.

திரையுலகில் யூகங்களாகப் பேசப்படுவவைகூட செய்திகளாகும். ரஜினி படம் என்பதால் இப்படி நடப்பதைத் தவிர்க்கமுடியாது. அறிவிப்புக்குப் பிறகு அப்படிப் பேசப்பட்டுக்கொண்டிருக்கும் இப்போதைய செய்தி என்ன தெரியுமா? ரஜினியின் இந்தப்புதியபடத்தில் இன்னொரு நாயகனும் இருக்கிறார் என்பதுதான். அவர் இயக்குநர் ரஞ்சித்தின் முதல்பட நாயகனான அட்டகத்தி தினேஷ்தான் என்று சொல்லப்படுகிறது. அவருக்கும் படம் முழுவதும் வருகிற மாதிரியான முக்கியமான வேடம் இருக்கிறதென்றும் சொல்லப்படுகிறது.

நாயகியாக நடிக்க நயன்தாரா உட்பட சிலரிடம் பேச்சுகள் நடந்துகொண்டிருப்பதாகவும், அவர் உட்பட படத்தில் நடிக்கும் நடிகர்கள் பட்டியல் முடிவானவுடன் தினேஷ் நடிக்கவிருக்கும் தகவலையும் வெளியில் சொல்வார்கள் என்றும் பேசிக்கொள்கிறார்கள்.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close