Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அஜித்தின் அடுத்தபடத்தைத் தயாரிக்கப்போவது யார்?

 சிறுத்தை, வீரம் ஆகிய படங்களை இயக்கிய சிவா இயக்கத்தில் இப்போது நடித்துக்கொண்டிருக்கிறார் அஜித். முதல்கட்டப்படப்பிடிப்பு முடிவடைந்து அடுத்தகட்டப்படப்பிடிப்பு தொடங்கவிருக்கிறது. இதற்கடுத்து அவர் நடிக்கும் படம் பற்றியும் இப்போதே முடிவுசெய்துவிட்டார் என்றும் இயக்குநர் விணுவர்தன்தான் அஜித்தின் அடுத்தபடத்தை இயக்கப்போகிறவர் என்றும் செய்திகள் வந்துகொண்டிருக்கின்றன.

அஜித் தரப்பிலிருந்து இதுபற்றி இதுவரை எந்தத்தகவலும் இல்லை என்றாலும் அதற்கடுத்த கட்டமாக அந்தப்படத்தைத் தயாரிக்கப்போவது யார்? என்பது பற்றிய விஷயங்களும் வந்துகொண்டிருக்கின்றன, அஜித்தை வைத்து ராசி, வாலி, முகவரி, சிட்டிசன், ரெட், வில்லன் உட்பட பல படங்களைத் தயாரித்த அவருடைய நண்பர் நிக்ஆர்ட்ஸ் சக்ரவர்த்திதான் அஜித்தின் அடுத்தபடத்தைத் தயாரிக்கப்போகிறார் என்கிற செய்திகள் உலாவந்தன.

இது தொடர்பாக, நிக்ஆர்ட்ஸ் சக்ரவர்த்தி தரப்பில் கேட்டபோது, இதுவரை எங்களிடம் அவர் அதுபற்றி எதுவும் சொல்லவில்லை, அவர் மனதில் அப்படி ஒரு எண்ணம் எற்பட்டிருக்கலாம் அதை வேறுயாரிடமாவது சொல்லியிருக்கலாம் என்று சொல்கிறார்கள். தம்முடைய நண்பர் பல கஷ்டங்களில் சிக்கிக்கொண்டிருக்கிறார் என்பதால் அவருக்கு ஒருபடம் நடிக்கலாம் என்று அஜீத் நினைப்பதாகவும் சொல்லப்பட்டது.

அஜித், தரப்பில் இதுபற்றிக் கேட்டபோது, அப்படி ஒரு பேச்சே இதுவரையில் வரவில்லை, அஜித்துடைய அடுத்தபடம் குறித்து பேசுவதற்கான காலம் இதுவல்ல, அதேபோல நிக்ஆர்ட்ஸ் நிறுவனத்துக்கு அவர் படம் நடிக்கப்போகிறார் என்பதிலும் உண்மையில்லை என்று உறுதியாகச் சொல்லுகிறார்கள். இது இன்றைய நிலவரம் நாளைக்கு எப்படி வேண்டுமானாலும் மாறலாம் என்று திரையுலகில் சிலர் ஆருடம் சொல்லிக்கொண்டிருக்கிறார்கள்.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close