Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

தனுஷ் மற்றும் சிவகார்த்திகேயனோடு போட்டி போடுகிறார் கமல்?

 ஜூலை 17 அன்று சிவகார்த்திகேயன் நடித்த ரஜினிமுருகன் படம் வெளியாகும் என்று முதலில் சொல்லியிருந்தார்கள். அதன்பின்னர் அதே தேதியில் தனுஷ் நடித்திருக்கும் மாரி படம் வெளியாகும் என்று சொல்லப்பட்டிருக்கிறது. இவ்விரு படங்கள் மட்டுமின்றி கமல் நடித்திருக்கும் 'த்ரிஷ்யம்' படத்தின் மொழிமாற்றான பாபநாசம் படமும் வெளியாகும் என்று அறிவிக்கப்பட்டிருக்கிறது.

இப்படி ஒரேதேதியில் மூன்று பெரியநடிகர்களின் படங்கள் வெளியாகும் என்று சொல்லப்பட்டிருப்பதால் பரபரப்பு ஏற்பட்டிருக்கிறது. அந்தத்தேதியில் படம் வெளியாகும் என்று முதலில் சொன்னது ரஜினிமுருகன், அடுத்து மாரி. இந்தத் தேதியை மாரி படக்குழுவினர் தேர்ந்தெடுக்கக் காரணம் இருக்கிறதாம். சென்ற ஆண்டு ஜூலை 18 ஆம் தேதிதான் வேலையில்லாப்பட்டதாரி படம் வெளியானதாம். அந்தப்படம் வெற்றி. அதனால் அதேதேதியில் படம் வெளியாகட்டும் என்று தனுஷ் விரும்பியதாகச் சொல்லப்படுகிறது. அதனால் தயாரிப்புநிறுவனம் அந்தத்தேதியில் படத்தை வெளியிட முடிவுசெய்ததாகச் சொல்லப்படுகிறது.

அதற்கடுத்து கமலின் பாபநாசம் படத்தையும் அதேதேதியில் வெளியிட முடிவு செய்தது எப்படி என்றால், ரம்ஜான் விடுமுறை என்பதுதான் காரணம் என்று சொல்லப்படுகிறது. இப்படி ஒரே நாளில் கமல், தனுஷ், சிவகார்த்திகேயன் ஆகிய மூன்று பெரியநடிகர்களின் படங்களும் வெளியாகும் என்று சொல்லப்பட்டிருப்பதால் திரையரங்குகள் கிடைப்பதில் சிக்கல் வரும் என்று சொல்லப்படுகிறது.

இம்மூன்று நடிகர்களுக்குமிடையே போட்டி நடக்கும் சூழலும் உருவாகியிருக்கிறது. ஏற்கெனவே தனுஷூக்கும் சிவகார்த்திகேயனுக்கும் இடையே பனிப்போர் நடைபெற்றுக்கொண்டிருப்பதாகச் சொல்லப்படுகிற இந்த நேரத்தில் அவர்கள் இருவருடைய படங்களும் ஒரேநாளில் வெளியாவதே பரபரப்பு எனும்போது அவர்களோடு கமல் படமும் சேரும்போது இன்னும் பரபரப்பாக இருக்கும் என்று சொல்லப்படுகிறது. தயாரிப்பாளர்கள்சங்கம் அண்மையில் பெரியபட்ஜெட் படங்கள் வெளியாவதற்கென்று வருடத்தில் குறிப்பிட்ட சில தேதிகளைச் சொல்லியிருந்தது. அந்தத் தேதிகளில் ஜூலை 17 இல்லை. அப்படியிருக்கும் போது ஒன்றுக்கு மூன்றுபடங்கள் அதே தேதியில் அறிவிக்கப்பட்டது சரியா? என்ற கேள்விகளும் எழுகின்றனவாம்.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close