Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

லதாரஜினிகாந்த் அமைதி காப்பது எதனால்?

கோச்சடையான் படத்தைத் தொடர்ந்து ரஜினி நடிப்பில் லிங்கா வந்து, போய்விட்டது, அதற்கடுத்து அவர் நடிக்கும் படங்கள் பற்றிய செய்திகள் இப்போது பரபரப்பாகப் பேசப்பட்டுக்கொண்டிருக்கின்றன. இந்தநேரத்தில் மீண்டும் கோச்சடையான் படம் தொடர்பான சர்ச்சை செய்திகளில் முக்கியஇடத்தைப் பிடித்திருக்கிறது.

கோச்சடையான் தொடர்பான வழக்கொன்றில் பெங்களூரு நீதிமன்றத்தில் லதாரஜினிகாந்த் சமர்ப்பித்த ஆவணம் போலியானது என்று சொல்லி அவருக்கு எதிராக வழக்குப் பதிவு செய்துள்ளதாகச் சொல்லப்படுகிறது. இதைத் தொடர்ந்து லதாரஜினிகாந்தை விசாரிப்பதற்காக பெங்களூரு காவல்துறையினர் சென்னை வருவதாகவும் செய்திகள் உள்ளன. மிகவும் பரபரப்பை ஏற்படுத்தியுள்ள இச்சம்பவம் பற்றி லதாரஜினிகாந்தின் கருத்தை அறிய பத்திரிகையாளர்கள் முயல்வது இயல்பு.

நேற்றிலிருந்து இதுதொடர்பாகப் பலரும் லதாரனிகாந்த் தரப்பின் கருத்தறியப் பலவேறு வகைகளில் தொடர்புகொள்ள முயல்தாகத் தெரிகிறது. ஆனால் இது சம்பந்தமாக அவர் எதுவும் பேசமாட்டார் என்று சொல்லிவிட்டார்கள். அதற்குக் காரணம், இது தனிப்பட்ட இரண்டுபேருக்கான சிக்கல் அல்ல, இது நீதிமன்றம் சம்பந்தப்பட்டது, அதனால் இதுபற்றித் தனிப்பட்ட முறையில் கருத்துச் சொல்லஇயலாது என்பதால் அவர் ஊடகங்களைத் தவிர்ப்பதாகச் சொல்லப்படுகிறது.

அதுமட்டுமின்றி அவர் தடை வாங்கியதே ஊடகங்கள் செய்தி வெளியிடக்கூடாது என்றுதான், அதிலேயே சிக்கல் எனும்போது அவர் எப்படி ஊடகங்களிடம் பேசுவார்? என்கிற கேள்வியையும் எழுப்புகிறார்கள். எது எப்படியோ ரஜினியின் மனநிம்மதியைக் கெடுக்கும் நிகழ்வுகள் தொடர்ந்து நடந்துகொண்டிருக்கின்றன என்பது மட்டும் உண்மை.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close