Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பேய் , பார்ட் 2 மோகங்களை தொடர்ந்து தமிழ் சினிமாவின் அடுத்த ட்ரெண்ட்!

ஒரு சமயம் கொரியன் படங்களின் காப்பி, அந்த மொழி படத்தின் சீன் அப்பட்டமாக இந்த படத்தில் உள்ளது என அடிக்கடி சிக்கல்களில் சிக்கும் தமிழ் சினிமாவின் தற்போதைய ட்ரெண்ட் பேய் படங்கள், மற்றும் பார்ட் 2 படங்கள். 

தொடர்ச்சியாக  சுந்தர்சி, அருள்நிதி, சூர்யா வரை விடவில்லை இந்த பேய் மோகம். இதைத் தொடர்ந்து அடுத்த ட்ரெண்ட் பார்ட் 2 படங்கள். தமிழில் வெளியாகி ஹிட்டடித்த படங்களில் பார்ட் 2 எடுக்கும் பணியில் பல நடிகர்கள், இயக்குநர்கள் என களம் இறங்கிவிட்டனர். சண்டக்கோழி 2, சிங்கம் 2, 3, அமரன் 2, மீண்டும் வா அருகில் வா, எந்திரன் 2, விஸ்வரூபம் 2, என்னை அறிந்தால் 2, ஜித்தன் 2, திமிரு 2, கஞ்சனா 2, 3 ஏன் சிகப்பு ரோஜக்கள் 2 வரை தமிழ் சினிமா உலகம் திட்டமிட்டு வருகிறது. 

இந்நிலையில் தற்போது அடுத்த ட்ரெண்டாக மற்ற இந்திய மொழி சினிமாக்களில் ஹிட்டடித்த படங்களை ரீமேக் செய்யும் மோகம் தலைவிரிக்கத் துவங்கியுள்ளது. அதில் தற்போது மட்டும் சுமார் 10க்கும் மேற்பட்ட ரீமேக் படங்கள் லிஸ்டில் உள்ளன. 

கன்னடத்தில் வெளியான லூசியா படம் எனக்குள் ஒருவனாக வெளியானது. ‘ஹவ் ஓல்ட் ஆர் யூ’ படம் ‘36 வயதினிலே’ படமாக வெளியானது. பெங்களூரு டேஸ் தற்போது ஆர்யா, ரானா, பாபி சிம்ஹா, ஸ்ரீதிவ்யா நடிப்பில் உருவாகி வருகிறது. த்ரிஷ்யம் படம் கமல் நடிப்பில் பாபநாசமாக வெளியாகவிருப்பது குறிப்பிடத்தக்கது. 

மலையாளத்தின் ஷட்டர் படம் ‘நைட் ஷோ என்ற பெயரில் உருவாகி வருகிறது. இதற்கு முன்பு, டெல்லி பெல்லி படம் சேட்டை படமாகவும், 3 இடியட்ஸ் படம் நண்பன் படமாகவும் வெளியான லிஸ்ட்டுகளும் இதில் அடக்கம்.இது தவிர்த்து தெலுங்கின் மகேஷ் பாபு படங்கள் முன்னர் அதிகம் ரீமேக்கானது.  இன்னும் பல முக்கியத்துவம் வாய்ந்த படங்கள் இந்த லிஸ்ட்டில் இடம் பிடித்துள்ளது குறிப்பிடத்தக்கது. 

என்னதான் மற்ற மொழியில் நல்ல படங்கள் வெளியாகி அதை தமிழுக்கு கொண்டு வரும் நோக்கமெல்லாம் நல்ல முயற்சி என்றாலும், இப்படியே போனால் நம்மூர் படங்கள் எப்போது அங்கு ரீமேக்காவது. சமீபத்தில் ரமணா, மற்றும் சூது கவ்வும் படங்கள் தான் தமிழிலிருந்து சென்றுள்ளன. ஆனால் மலையாளம் அளவிற்கு தமிழிலிருந்து படங்கள் மற்ற மொழிகளுக்கு போவதில்லை என்பது கொஞ்சம் வருத்தப்பட வேண்டிய விஷயமே. 

 

MUST READ

எடிட்டர் சாய்ஸ்

[X] Close