Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

விஜய்க்கு வில்லனாக நடிக்கிறார் இயக்குநர் மகேந்திரன்?

 அட்லி இயக்கத்தில் விஜய் நடிக்கும் படத்தின் படப்பிடிப்பு ஜூலை ஒன்றாம்தேதி தொடங்கிவிட்டது. முதலில் ஒரு பாடல்காட்சியைப் படமாக்கிக்கொண்டிருப்பதாகச் சொல்கிறார்கள். இந்தப்படத்தில் இயக்குநர் மகேந்திரன் ஒரு முக்கியவேடத்தில் நடிக்கிறார்.

படத்தில் விஜய்க்கு இணையாக அவருடைய பாத்திரப்படைப்பு இருக்குமென்று சொல்லப்படுகிறது. மகேந்திரன், இயக்கும்போது நடிகர்களுக்கு நன்றாக நடிப்புச் சொல்லித்தருவார், அதைப் பற்றிக் கேள்விப்பட்டுத்தான் இந்தவேடத்துக்கு மகேந்திரன் பொருத்தமாக இருப்பார் என்று இயக்குநர் அட்லி தேர்வு செய்ததாகவும் சொல்லப்படுகிறது.

அப்படி என்ன வேடம்? படத்தில் அவர்தான் வில்லன் என்கிறார்கள். விஜய் போன்ற ஒரு சக்திமிக்க நாயகனுக்கு வில்லன் என்று வரும்போது அதுவும் பேசப்படும் வேடமாகத்தான் இருக்கும், இந்தப்படத்தில் மகேந்திரன் நடிப்பதன் மூலம் படம் வெளியானதும் அந்தவேடம் மிகவும் பரபரப்பாகப் பேசப்படும் என்று சொல்கிறார்கள்.

இந்தப்படம் ஏற்கெனவே தமிழில் வந்த ஒருபடத்தைத் தழுவி எடுக்கப்படுவதாகச் சொல்லப்படுகிறது. அந்தப்படத்திலும் மலையாளநடிகர் ஒருவர் வில்லன் வேடத்தில் நடித்திருந்தார். அந்தப்படம் வெளியானபோதும் அந்தப்பட நாயகனைவிட வில்லன்வேடம் பற்றி அதிகமாகப் பேச்சு இருந்தது. இந்தப்படத்திலும் அதுபோலவே நடக்கலாம் என்றும் பேச்சு இருக்கிறது.

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close