Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

விக்ரமின் புதியபட விவகாரத்தில் நடப்பது என்ன? புதிய தகவல்கள்

அரிமாநம்பி படஇயக்குநர் ஆனந்த்சங்கர் இயக்கத்தில் விக்ரம் நடிக்கவிருக்கும் புதியபடத்தின் படப்பிடிப்புக்காக மலேசியா புறப்படவிருந்த நேரத்தில் கலைப்புலிதாணுவால் அந்தப்பயணம் தடைபட்டதெனச் சொல்லப்பட்டது.

அந்தநேரம் வெளிநாட்டிலிருந்த தயாரிப்பாளர் கருணாமூர்த்தி, சென்னை வந்ததும் இதுதொடர்பாகப் பேச்சுவார்த்தை தொடங்கியதென்று சொல்கிறார்கள். முதல் சந்திப்பு மிகவும் கடுமையானதாக இருந்ததென்றும் தெரிகிறது. அடுத்தடுத்த சந்திப்புகளில், இந்தப்படத்துக்காக நிறையச் செலவு செய்திருக்கிறேன் அவற்றைக் கொடுத்துவிட்டு படப்பிடிப்புக்குப் போகட்டும் என்று தாணு சொன்னதாகச் சொல்லப்படுகிறது.

இந்தப்படத்தின் கதை உருவாக்கத்துக்காகச் செய்த செலவு, இந்தப்படத்தில் நடிக்கவிருக்கும் நடிகர்களுக்குக் கொடுப்பட்ட முன்பணம் ஆகியவற்றோடு இந்தப்படத்தின் இந்திஉரிமையில் பங்கு வேண்டும் என்றும் தாணு தரப்பில் கேட்கப்பட்டிருக்கிறதாம்.

இவை மட்டுமின்றி இந்தப்படத்துக்காக இயக்குநருக்குக் கொடுக்கப்படுகிற சம்பளத்திலும் ஒரு குறிப்பிட்ட தொகையைத் தமக்குத் தரவேண்டுமென்றும் கோரிக்கை வைக்கப்பட்டுள்ளதாகச் சொல்லப்படுகிறது.

சிக்கலின் அடிப்படையே இந்த இயக்குநர் தாணுவிடம் சொல்லாமலே இந்த நிறுவனத்துக்குப் படம் இயக்கப்போனதுதான் என்றும் அதனால் தாணு தரப்பில் இவ்வளவு நிபந்தனைகள் வைக்கப்பட்டிருக்கின்றன என்றும் சொல்லப்படுகிறது. தொடர்ந்து இது சம்பந்தமாகப் பேச்சுகள் நடந்துகொண்டிருக்கின்றனவாம். இன்னும் முடிவு எட்டப்படவில்லையென்றும் சொல்லப்படுகிறது.

தாணுவின் கோரிக்கைகளின் பெரும்பகுதியை தயாரிப்பாளர் கருணாமூர்த்தி ஏற்றுக்கொள்ள முன் வரலாமென்றும் அவ்வாறு நடந்தால் சிக்கல் முடிவுக்கு வருமென்றும் சொல்லப்படுகிறது.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close