Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சிம்புவா? தனுஷா? எகிறவைக்கும் எதிர்பார்ப்பு

ஜூலை பதினேழாம்தேதி சிம்புவின் வாலு, தனுஷின் மாரி மற்றும் சிவகார்த்திகேயனின் ரஜினிமுருகன் ஆகிய மூன்றுபடங்கள் வெளியாகும் என்று சொல்லப்பட்டது. இம்மூன்று படங்களில் ரஜினிமுருகன் படத்தின் வேலைகள் முழுமையாக முடிவடையாததால் 17 ஆம் தேதி வெளியாகாது என்று சொல்லப்பட்டது.

அதன்பின்னர் சிம்பு படமும் தனுஷ் படமும் நேரடிப்போட்டியில் இருந்தது. தனுஷ் படத்துக்கு தணிக்கையில் யு சான்றிதழ் கிடைக்காததால், மறுதணிக்கை செய்து யு சான்றிதழ் பெறும் முயற்சியில் இருப்பதாகச் சொல்லப்படுகிறது. இதனால் அந்தப்படத்தின் வெளியீட்டுத் தேதியும் உறுதியாகச் சொல்லப்படவில்லை.

வாலு படம் பதினேழாம்தேதி வெளியாகும் என்று விளம்பரங்கள் வந்துகொண்டிருந்தன. இப்போது அந்தப்படத்தின் வெளியீட்டுக்கும் தடைகோரி நீதிமன்றம் சென்றிருப்பதாகச் செய்திகள் வருகின்றன. இப்போது பார்த்தால் ஜூலை 17 அன்று ஒருபடம் கூட வெளியாகாமல் போய்விடக்கூடும் என்கிற நிலை. இதனிடையே நீதிமன்றச்சிக்கலைச் சந்தித்து படத்தைத் திட்டமிட்டபடி கொண்டுவந்துவிடுவோம் என்று வாலு படக்குழுவினர் சொல்லிக்கொண்டிருக்கிறார்களாம்.

இன்னொரு பக்கம், மாரி படத்துக்கு மறுதணிக்கையில் யு சான்று கிடைத்துவிடும் அந்தப்படமும் திட்டமிட்டபடி வெளியாகும் என்று அந்தப்படக்குழுவினர் சொல்லிக்கொண்டிருக்கிறார்களாம்.

இரண்டுபடங்கள் வெளியாகி எந்தப்படம் வெற்றி பெறும் என்கிற போட்டியைத் தாண்டி இப்போது இரண்டுபடங்களில் எந்தப்படம் வெளியாகும் என்று எதிர்பார்ப்பில் எல்லோரும் இருக்கும் நிலை ஏற்பட்டிருப்பதாகச் சொல்லப்படுகிறது.

MUST READ

எடிட்டர் சாய்ஸ்

[X] Close