Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பாபநாசம் படத்துக்கு வரிவிலக்குக் கொடுக்காததன் உண்மைக்காரணம்?

கமல் நடித்து வெளிவந்திருக்கும் பாபநாசம் படம் மக்களிடையே வரவேற்றைப் பெற்றிருக்கிறது. அந்தப்படத்துக்குத் தமிழகஅரசு வரிவிலக்குத் தர மறுத்திருக்கிறது. தணிக்கைக்குழுவினரால் யு சான்றிதழ் வழங்கப்பட்டிருந்த போதும் படத்தின் உள்ளடக்கம் பற்றி வரிவிலக்குக் குழு உறுப்பினர்கள் கொடுத்த அறிக்கைகளின் அடிப்படையில் வரிவிலக்கு மறுக்கப்பட்டிருப்பதாகத் தெரிகிறது.

காவல்துறையினர் சிறுமிகளைத் துன்புறுத்தும் காட்சிகள் காவல்துறையினர் மீதான நம்பிக்கையைக் கெடுத்துவிடும் என்றும், தவறு செய்த ஒருவன் பாவம் கழிக்க ஆற்றில் குளித்தால்போதும் என்கிற பிற்போக்கு சிந்தனை படத்தில் இருக்கிறதென்றும், பள்ளி மாணவியைக் குளிக்கும்போது படம் பிடித்துக்காட்டுவது சரியில்லை என்றும் காரணங்களைக் கூறி இத்திரைப்படம் வரிவிலக்குக்குத் தகுதியானதல்ல என்கிற பரிந்துரை செய்திருக்கிறார்களாம்.

அவற்றை ஏற்று இத்திரைப்படத்துக்கு வரிவிலக்குக் கொடுக்கவேண்டாமென் அரசு முடிவு செய்திருக்கிறது. இன்னொரு பக்கம், வரிவிலக்குக் குழுவினர் அரசாங்கம் எதை விரும்புகிறதோ அதை எழுதிக்கொடுத்துவிடுவார்கள் என்று சொல்கிறார்கள். ஏற்கெனவே உதயநிதி படத்துக்கு வரிவிலக்கு மறுத்தபோது எல்லோரும் ஒரேமாதிரி எழுதிக்கொடுத்ததையும் எடுத்துக்காட்டாகச் சொல்கிறார்கள்.

அப்படியானால் இந்தப்படத்துக்கு வரிவிலக்கு மறுக்க என்ன காரணம்? படத்தின் தொலைக்காட்சி ஒளிபரப்பு உரிமையை சன் தொலைக்காட்சிக்குக் கொடுத்ததால்தான் இந்தப்படத்துக்கு வரிவிலக்குக் கொடுக்க மறுத்துவிட்டார்கள் என்றொரு கருத்தும் பேசப்பட்டுக்கொண்டிருக்கிறது.

MUST READ

எடிட்டர் சாய்ஸ்

[X] Close