Vikatan.com

www.vikatan.com would like to send you push notifications.

Notifications can be turned off anytime from browser settings.

“பாகுபலியால் என் படத்திற்கு பாதிப்பில்லை” தனுஷ் பேட்டி!

பாகுபலி வெளியாகி இரண்டு வாரமாகப்போகிறது. பாகுபலி வெளியான அன்று என் படம் வெளியாகியிருந்தால் வேண்டுமானால் சொல்லலாம். அதற்கான ரசிகர்கள் வேறு, என் படத்திற்கான ரசிர்கள் வேறு. அதனால் நிச்சயம் பாகுபலியால் என் படத்திற்கு பாதிப்பில்லை என்கிறார் தனுஷ்.

தனுஷ், காஜல் அகர்வால் நடிப்பில் லோக்கல் ரவுடியாக மாரி கெட்டப்பில் தனுஷ் நடித்து நாளை வெளியாகவிருக்கும் படம் மாரி. இப்பத்திற்கான செய்தியாளர் சந்திப்பு தற்பொழுது நடந்தது. மாரி படம் பற்றியான பல தகவல்களை படக்குழுவினர் நம்மிடையே பகிர்ந்துகொண்டனர்.

தனுஷ் பேசியதாவது, “ சரத்குமாருடன் இணைந்து நடிக்க வேண்டும் என்பது என்னோடை ஆசை. அதுமட்டுமில்லாமல் எப்போது சரத்குமார் சாரை சந்தித்தாலும் அவரை தம்பி என்று என்னை அழைக்கச்சொல்லுவார். எனக்கே ஆச்சரியமாக இருக்கும். பழகியப்பிறகுதான் தெரியும் அவர் அனிருத் மற்றும் என்னை விட யூத் அவர் தான் என்று. அந்த அளவுக்கு நல்ல மனம் படைத்தவர்.

தொடர்ந்து புகைப்பிடிக்கும் காட்சியிலேயே நடிக்கிறீர்களே?

அனேகன் படத்தில் புகைப்பிடிக்கும் காட்சிகள் கிடையாது. படத்திற்கு ஏற்றமாதிரி நடிக்கிறேன். மாரி படத்தில் லோக்கல் டானாக வருகிறேன். அதனால் புகைப்பிடிக்கும் காட்சிகள். இயக்குநர் சொல்லுவதைத்தான் நான் செய்கிறேன். அவரிடன் முடியாது என்று கூறமுடியாது.

படத்தோட சேட்டிலைட் உரிமையை நீங்கள் வாங்கிவிட்டீர்களாமே?

எங்கிட்ட சேட்டிலைட்டே இல்ல. பின்ன எப்படி சேட்டிலைட் உரிமையை நான் வாங்க முடியும். அப்படி வாங்கினாலும் எங்க கொண்டு போய் ஒளிப்பரப்புவது.

உங்களை பிடிக்கவே முடியவில்லையே?

முழுக்க முழுக்க வேலை மீது மட்டுமே கவனம் செலுத்துகிறேன். ஒரு நிமிடம் கூட எனக்கு ஓய்வு கிடைக்கவில்லை. மிகவும் கவனமாகவும் அதிகமாகவும் உழைக்க வேண்டியிருக்கிறது. அதனால் தான் நிருபர்களுடன் கூட பேச முடியவில்லை. அதான் இப்போ வந்துட்டேன்ல..

இப்போ பாட்டு! நெக்ஸ்ட் வசனம், இயக்கமா?

இயக்குநர் கேட்டால் மட்டுமே பாடல் எழுதிக்கொடுப்பேன். மற்றபடியெல்லாம் ஒன்றுமில்லை. இரண்டு வருடம் கழித்து வசனம், இயக்கம் கண்டிப்பாக இருக்கும். நானே இயக்கத்தில் இறங்க தயார்.

MUST READ

எடிட்டர் சாய்ஸ்