Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

’என்னுள்ளே’ இளையராஜா நடத்தவிருக்கும் எம்.எஸ்.வி சிறப்பு இசை நிகழ்ச்சி!

மெல்லிசை மன்னர் எம்.எஸ்.விஸ்வநாதன் மறைவையடுத்து அவரது பாடல்களை இசைஞானி இளையராஜா வரும் 27 தேதி காமராஜர் அரங்கத்தில் இசை நிகழ்ச்சியாக நடத்த இருக்கிறார். இந்த நிகழ்ச்சி பற்றி இளையராஜா கூறும்போது,”திரு.எம்.எஸ்.விஸ்வநாதன் அண்ணனின் இசைத்திறமையும், ஆளுமையும் அனைவரும் அறிந்ததே.

அவரின் இந்த இசை நுணுக்கங்களை நான் அறிந்த அளவுக்கு வேறு யாரும் அறிந்திருக்க மாட்டார்கள் இந்த இசை நுணுக்கங்களையெல்லாம் எல்லோருக்கும் வெளிப்படுத்தும் வகையில் சிறு இசைக்குழுவினரோடு நான் வாசித்து காட்ட இருக்கிறேன். எவ்வளவு பெரிய உயர்வான விஷயங்களை எப்படி சர்வ சாதாரணமாக செய்து காட்டியிருக்கிறார் என்பதை நான் மக்களுக்கு தெரியப்படுத்தப் போகிறேன்.

இசையில் ஒவ்வொருவருடைய கற்பனையும் ஒவ்வொரு மாதிரியாக இருக்கும். நம்மை உயிரை எங்கோ அழைத்துசெல்லுகின்ற உணர்வை கொண்டுவருவது அவ்வளவு சதாரணமான விஷயம் அல்ல. இதை நான் நன்றாக அறிந்திருக்கிறேன். இதை மக்களுக்கு அறிவிக்க வேண்டும் என்பதால் இந்த நிகழ்ச்சியை நடத்துகிறேன்.

அவர் உடலை விட்டு உயிர் பிரிந்து சென்றாலும் அவர் என்றும் மறையாத நித்ய சொரூபர். எம்.எஸ்.வி.யின் இசைத்திறமையை வெளிப்படுத்தும் விதமாக இந்த நிகழ்ச்சி இருக்கும்.” என்றார் இளையராஜா. என்னுள்ளே எம்.எஸ்.வி. என்ற இந்த இசைநிகழ்ச்சி ஜீவா - இளையராஜா கல்வி அறக்கட்டளை சார்பாக நடத்தப்பட உள்ளதாக தெரிவித்துள்ளார் இளையராஜா.

Advertisement
Advertisement
Advertisement
Advertisement
Advertisement

MUST READ

Advertisement

எடிட்டர் சாய்ஸ்

ஆனந்த விகடன் சினிமா விருதுகள் - ஸ்பெஷல் ஆல்பம்!
[X] Close