Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பாகுபலி போல் தமிழில் ஒரு படம்!

 ராஜமௌலி இயக்கத்தில் பிரபாஸ், ராணா, அனுஷ்கா, தமன்னா, சத்யராஜ், ரம்யா கிருஷ்ணன், சுதீப் உள்ளிட்ட பலர் நடிப்பில் வெளியாகி மெகா ஹிட்டான படம் ‘பாகுபலி’. படத்திற்கு இசை கீரவாணி. இந்த படத்தின் வசூல் தென்னிந்திய படங்களிலேயே முதல் முறையாக 300 கோடி க்ளப்பில் இணையும் அளவிற்கு வெற்றியைத் தேடி கொடுத்துள்ளது.

பல இயக்குநர்களுக்கு ‘பாகுபலி’ போல் ஒரு படம் தன் சொந்த மொழியில் கொடுக்க வேண்டும் என்ற எண்ணம் அதிகரிக்கத் துவங்கியுள்ளது. இந்நிலையில் சஞ்சய் லீலா பன்சாலி இயக்கத்தில் ரன்வீர் சிங், தீபிகா படுகோனே, பிரியங்கா சோப்ர உள்ளிட்ட பலரது நடிப்பில் பிரம்மாண்ட வரலாற்றுக் கதையாக ‘பஜிராவோ மஸ்தானி’ படம் உருவாகி வருகிறது. 

தற்போது ‘புறம்போக்கு’ பட இயக்குநர் எஸ்.பி.ஜனநாதன் சமீபத்தில் கொடுத்த பேட்டியில் ‘பாகுபலி’ படத்தைப் போன்றே தமிழில் ஒரு படத்தை இயக்கவிருப்பதாக கூறியுள்ளார். பாகுபலி வெற்றி எனக்கு ஒரு சரித்திர படத்தை இயக்கலாம் என்ற தைரியத்தை கொடுத்துள்ளது. தமிழர்களை அடிப்படையாக கொண்டு உலக மனித நாகரீகத்தை பிரதிபலிக்கும் படமாக அது அமையும்.  

காதல் பின்னணியில் 1,000 ஆண்டுகளுக்கு முன்பிருந்த கட்டிடக் கலை, சிற்பக் கலை, கடல் வாணிபம், ஓவியம், இலக்கியம், போர்க் கலை, விஞ்ஞான குறிப்புகள் இவற்றையெல்லாம் எடுத்துவைக்கும் படமாக அது இருக்கும் என கூறியுள்ளார் எஸ்.பி.ஜனநாதன். மேலும் எஸ்.பி.ஜனநாதன் போன்றோர் இப்படிபட்ட படங்கள் எடுக்கையில் அதில் கொஞ்சம் அதிகமாகவே சமூக அக்கறையும் இருக்கும் என்பதில் ஐயமில்லை. 

MUST READ

எடிட்டர் சாய்ஸ்

[X] Close