Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

விஜய்சேதுபதி புகாரால் தள்ளிப்போகிறதா புதிய படம்?

 விஜய்சேதுபதியின் தயாரிப்பில் தொடங்கப்பட்ட படம் சங்குதேவன். அந்தப்படத்தை இயக்குநர் ஹரியிடம் உதவிஇயக்குநராக இருந்த சுதாகர் என்பவர் இயக்கினார். படப்பிடிப்புக்காக திண்டுக்கல் புறப்பட்டுப்போனது படக்குழு. போன சில நாட்களிலேயே படப்பிடிப்பில் குளறுபடிகள் ஏற்பட்டதாம். அதனால் திட்டமிட்டபடி படப்பிடிப்பை நடத்தாமல் உடனே சென்னை திரும்பிவந்துவிட்டார்களாம். இது நடந்தது 2013 ஆம் ஆண்டில் என்று சொல்லப்படுகிறது.

அதன்பின்னர் அந்தப்படம் வளரவில்லை. மேற்கொண்டு வளரவும் வாய்ப்பில்லை. அதனால் அந்தப்படத்தின் இயக்குநர் சுதாகர், ஏற்கெனவே தமிழில் சில படங்களை எடுத்த தயாரிப்பாளரிடம் கதைசொல்லியிருக்கிறார். அவருக்குக் கதை பிடித்துவிட்டதாம். அந்தக்கதைக்கு நாயகனாக பாரதிராஜாவின் அன்னக்கொடி படத்தில் நடித்த லட்சுமணையும் நாயகியாக ரேஷ்மியையும் பேசிமுடித்துவிட்டார்களாம். சில நாட்களில் படப்பிடிப்புக்குப் போகலாம் என்று நினைத்துக்கொண்டிருந்தார்களாம்.  

இதனால் நாயகன் நாயகி உட்பட எல்லோரும் எப்போது படப்பிடிப்பு என்று கேட்டும் இயக்குநர் மற்றும் தயாரிப்புத்தரப்பில் சரியான பதில் இல்லை என்று சொல்கிறார்கள். அதற்கு என்ன காரணம் என்று படக்குழுவினருக்குத் தெரியவில்லையாம்.

இன்னொருபக்கம், தயாரிப்பாளர்கள் தரப்புக்கு இந்த இயக்குநரை நம்பிப்போகாதீர்கள் அவருக்குப் படம் எடுக்கத் தெரியாது என்று புகார்கள் வந்தனவாம். அந்தப்புகார் விஜயசேதுபதி தரப்பில் இருந்தே வந்ததாகவும் சொல்லப்படுகிறது. இதன் காரணமாகத்தான் படப்பிடிப்பு தொடங்குவது தாமதமாகிக்கொண்டிருக்கிறதென்று சொல்லப்படுகிறது. உண்மை என்னவோ?

 
 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close