Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

நேரம் படஇயக்குநருக்கு ரஜினியிடமிருந்து அழைப்பு?

மலையாளத்தில் வெளியாகி பெரிய வெற்றியைப் பெற்றப் படம் பிரேமம். தமிழில் நேரம் படத்தை இயக்கிய அல்போன்ஸ்புத்திரன் தான் அந்தப்படத்தையும் இயக்கியிருந்தார். முதல்படமான நேரமும் வெற்றி, அடுத்த படமான பிரேமமும் வெற்றி என்பதால் அவரிடன் பணியாற்றிய பல நடிகர்கள் ஆர்வமாக இருப்பதாகச் சொல்லப்படுகிறது.

எல்லாவற்றிற்கும் மேலாக, அண்மையில் அல்போன்ஸ்புத்திரனைத் தொடர்பு கொண்ட ரஜினி மகள் சௌந்தர்யா, அப்பாவுக்கு ஏற்ப ஒரு கதை தயார் செய்யுங்கள் அவரை வைத்து நீங்கள் இயக்க நான் ஏற்பாடு செய்கிறேன் என்று சொன்னதாகத் தெரிகிறது. சூப்பர்ஸ்டாரிடம் இருந்து அழைப்பு என்றால் எல்லோரும் மகிழ்ச்சியடைவார்கள். ஆனால் இவரோ அதிர்ச்சியடைந்துவிட்டாராம்.

அவரை வைத்துப் படம் இயக்கும் அளவுக்கு நான் இன்னும் தயாராகவில்லை, அவரை மட்டுமல்ல வேறு யாரை வைத்தும் பெரியபட்ஜெட்டில் படம் எடுக்க நான் தயாராகவே இல்லை. சின்னயூனிட்டை வைத்துக்கொண்டு அமைதியாகப் படம் எடுக்கவே நான் விரும்புகிறேன் என்று சொன்னதாகத் தெரிகிறது.

அட்டகத்தி, மெட்ராஸ் ஆகிய படங்களைத் தொடர்ந்து ரஞ்சித் இயக்கும் மூன்றாவது படத்தில் ரஜினி நடிக்கிறார், அல்போன்ஸ்புத்திரன் தயாராக இருந்தால் அவருடைய மூன்றாவதுபடத்திலும் ரஜினி இருந்திருப்பார் என்று திரையுலகில் பேச்சு இருக்கிறது.  
 

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close