Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

என்னை அறிந்தால் சாதனையை முறியடித்த புலி

புலி படத்தின் டிரெய்லர் நேற்று முன்தினம் வெளியானது. விஜய், ஹன்சிகா, ஸ்ருதி ஹாசன், ஸ்ரீதேவி, சுதீப், உள்ளிட்ட பலர் நடிப்பில் உருவான படம் புலி. நாளொரு தினமும் ஒவ்வொரு சாதனையை படைத்து வரும் புலி படத்தின் டிரெய்லர் தற்போது இந்தியாவிலேயே அதிகம் விரும்பப்பட்ட டிரெய்லராக மாறியுள்ளது.

யூடியூபில் அதிக பார்வையாளர்களை பெறுவது எப்படி ஒரு ட்ரெண்டோ அதே போல் அதிக லைக்குகள் பெறுவதும் தற்போது போட்டியாக மாறியுள்ளது. இந்நிலையில் இதுவரை இந்திய அளவில் அதிகம் விரும்பப்பட்ட டிரெய்லராக சல்மான் கானின் கிக் இருந்து வருகிறது அதற்கு அடுத்த படியாக அஜித்தின் ‘என்னை அறிந்தால்’ படம் இருந்தது. பாலிவுட்டின் கிங் கான்களான சல்மான், ஷாருக், அமீர் கான் படங்களுக்குக் கூட இந்த அதிக லைக்குகள் பெறும் வாய்ப்புகள் மிகக் குறைவுதான்.

இந்நிலையில் என்னை அறிந்தால் படமும், புலி படமும் இப்போது அதிகம் விரும்பப்படும் டிரெய்லர்களாக முதல் மூன்று இடங்களில்  உள்ளன.   இதில் புலி 70, 932 லைக்குகளைப் பெற்று இரண்டாம் இடத்திலும், 66,760 லைக்குகளுடன் என்னை அறிந்தால் 3ம் இடத்தையும் பிடித்துள்ளது. அஜித், விஜய் ரசிகர்கர்களின் போட்டிகள் இந்திய அளவிற்கு விரிந்து வருகிறது என்பதே உண்மை. 

எடிட்டர் சாய்ஸ்

[X] Close