Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஜெயம்ரவிக்குத் தடைபோட்ட தயாரிப்பாளர்கள்சங்கம், அடுத்த சர்ச்சை ஆரம்பமாகிவிட்டதா?

  ஜெயம்ரவி நடித்திருக்கும் தனிஒருவன் படம் நாளை வெளியாகவிருக்கிறது. இந்நிலையில் அந்தப்படம் பற்றிப் பேச பத்திரிகையாளர்சந்திப்புக்கு அழைப்பு விடுத்திருந்தார் ஜெயம்ரவி. மாலை 3 மணிக்கு என்று அழைப்பு விடுக்கப்பட்டிருந்தது. இரண்டுமணியளவில் அந்தச் சந்திப்பு ஒத்திவைக்கப்பட்டது. என்ன காரணம்? அண்மையில் தயாரிப்பாளர்கள்சங்கம், ஊடகங்கள் தொடர்பாக ஒரு முடிவெடுத்து தங்களுடைய சங்க உறுபிப்பினர்களுக்குச் சொல்லியிருப்பதாகத் தெரிகிறது.

அதன்படி, பொதிகை, ஜெயா மேக்ஸ் மற்றும் தந்தி ஆகிய தொலைக்காட்சிகளை பட நிகழ்ச்சிகளுக்குக் கூப்பிட்டால் போதும் என்று சொல்லியிருக்கிறார்களாம். இதனால் சன், விஜய் உள்ளிட்ட முன்னணிதொலைக்காட்சிகள் எதையும் நிகழ்ச்சிகளுக்கு அழைக்கமுடியாத நிலை ஏற்பட்டுள்ளதாம். ஜெயம்ரவி நடத்தும் பத்திரிகையாளர்சந்திப்புக்கு எல்லாத் தொலைக்காட்சிகளையும் அழைத்திருந்தார்களாம். அப்படிச் செய்யக்கூடாது என்று தயாரிப்பாளர்கள்சங்கத்திலிருந்து அழுத்தம் வந்த காரணத்தினாலேயே இந்தச்சந்திப்பு தள்ளிவைக்கப்பட்டுள்ளதாகச் சொல்லப்படுகிறது.

இதனால், ஒரு படத்தின் கதாநாயகன் தன்னுடைய படம் வெளியாகிற நேரத்தில், அதற்கு விளம்பரம் கொடுக்கும் நோக்கத்தில் ஊடகங்களிடம் பேசுவதை தயாரிப்பாளர்சங்கம் எப்படித் தடுக்கலாம்? என்கிற கேள்வி எழுந்திருக்கிறதாம். ஊடகங்கள் இல்லாமல் படத்தை எப்படி மக்களிடம் கொண்டு சேர்ப்பது? என்கிற கேள்வியும் எழுந்திருக்கிறது.

தயாரிப்பாளர்கள் சங்கத்தின் ஊடகங்கள் பற்றிய இந்த முடிவையொட்டி, உதயநிதி தன்னுடைய டிவிட்டரில், என்னுடைய 'கெத்து' படத்துக்கு விளம்ரபம் செய்ய ஜெயாமேக்ஸ் டிவியில் நேரம் வாங்கித்தருவார்களா? என்று கேட்டிருந்ததும் குறிப்பிடத்தக்கது. ஜெயம்ரவியின் பத்திரிகையாளர்சந்திப்பு தள்ளிப்போனதையொட்டி, தயாரிப்பாளர்கள்சங்கம் தங்களுடைய உறுப்பினர்களைத் தாண்டி நடிகர்கள் மீதும் கட்டுப்பாடு செலுத்துகிறதா? என்கிற கேள்வி எழுந்திருக்கிறதாம். ஆக அடுத்த சர்ச்சைக்குத் திரையுலகம் தயாராகிவிட்டதுபோல் தெரிகிறது.  

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close