Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சன்னி லியோனை தடை செய்ய வேண்டும் சொல்கிறார் கவர்ச்சி நடிகை ராக்கி சாவந்த்!

சன்னி லியோனையும், அவரது படங்களையும் இந்தியாவில் தடை செய்ய வேண்டும் என்று நடிகை ராக்கி சாவந்த் கூறியுள்ளார். அரசியல் வாதி, நடிகை, நடன கலைஞர், நிகழ்ச்சி தொகுப்பாளர் என பல முகங்களை கொண்ட இவர், 2009 இல் ஒளிபரப்பான "ராக்கி கா சுயம்வர்" என்ற ரியாலிட்டி ஷோ மூலம் இந்திய முழுவதும் பிரபலம் அடைந்தார்.

அண்மையில் மும்பையில் ஒரு நிகழ்ச்சியின் போது பேசிய அவர் சன்னி லியோனையும், அவர் சார்ந்த படங்கள் ,விளம்பரங்களையும் இந்தியாவில் தடை செய்ய வேண்டும் ஏனெனில் அவைகள் மக்களை பலாத்காரம் போன்ற தவறுகள் செய்ய தூண்டுபவைகளாக உள்ளன என்று கூறியுள்ளார்.

இது பற்றி கூறுகையில் " ஒரு பக்கம் பொதுமக்களுக்கு மத்தியில் ஒளிபரப்பாகும் கவர்ச்சி விளம்பரங்கள், மற்றொரு பக்கம் திரை படங்களில் அதீத கவர்ச்சியாக நடிப்பது என மக்களை திசை திருப்பும்படி சன்னி லியோனின் செயற்பாடுகள் உள்ளன. இதுவே சிலர் பெண்களிடம் தவறாக நடப்பதற்கு காரணமாக அமைகிறது",

 

மேலும் சன்னி லியோன் கவர்ச்சியாக இல்லாமல் முழுவதும் போர்த்திக்கொண்டு நடித்தால் மட்டுமே அவரை இந்தியாவில் நடிக்க அனுமதிக்க வேண்டும் என்றும் கூறியுள்ளார். சில வாரங்களுக்கு முன்பு அரசியல் பிரமுகர், தேசிய கம்யூனிஸ்ட் கட்சியின் செயலாளர் அதுல் அன்ஜான், சன்னி லியோனின் விளம்பரத்தை விமர்சித்து அது சர்ச்சைக்கு உள்ளானது குறிப்பிட தக்கது.இப்போது ஒரு நடிகைக்கு எதிராக மற்றொரு நடிகையே குரல் கொடுத்திருப்பது பாலிவுட் தரப்பை பரபரப்பாக்கியுள்ளது. 

மேலும் ராக்கி சாவந்தே கவர்ச்சி நடிகை என்பதால் இன்னும் சலசலப்புகள் அதிகரித்துள்ளன.இவங்களே கிளாமர் நடிகை, கூகுள் தேடலில் கூட இவரது புகைப்படம் தேடினால் கொஞ்சம் நாகரிகமான உடைகளுடன் படங்கள் கிடைப்பதில்லை , இவர் அவரை தடை செய்யச் சொல்லுவதா எனக் கிண்டல்களும் உருவாகியுள்ளன.

- ப்ரியதர்ஷினி - 

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close