Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

முதன்முறையாக வெனிஸில் விருதை வென்ற தமிழ்ப்படம் விசாரணை!

வெனிஸ் திரைப்பட விழாவில் வெற்றி மாறன் இயக்கத்தில் வெளி வந்த 'விசாரணை' படத்துக்கு மனித உரிமையை வலியுறுத்தும் சிறந்த படத்திற்கான  விருது வழங்கப்பட்டுள்ளது.

இயக்குனர் வெற்றிமாறன் இயக்கியிருக்கும் விசாரணை திரைப்படம் 72 வெனிஸ் திரைப்பட விழாவில் அம்னஸ்டி இன்டர்நேஷனல் இத்தாலி " மனித உரிமைகள் பற்றிய சினிமா" பிரிவில் பெருமை மிகு விருதை வென்றுள்ளது. படத்தில் தங்கள் சிறப்பான நடிப்பை வெளிப்படுத்தியுள்ள அட்டகத்தி தினேஷ் , சமுத்திரகனி ஆகியோரும் வெனிஸ் திரைப்பட விழாவில் கலந்து கொண்டனர்.

வெனிஸ் திரைப்பட விழாவில் விருது வென்ற முதல் இந்திய திரைப்படம் விசாரணை தான்  என்பது குறிப்பிடத்தக்கது. விசாரணைக் கைதியாக இருந்து சமூகப் போராளியாக மாறும் ஒருவரது அனுபவத்தை அழுத்தமாக சொல்லும் வகையில் இந்த படம் எடுக்கப்பட்டுள்ளது.  இந்தியாவில் உள்ள போலீஸ் நிலையங்களில் கைதிகளுக்கு நடைபெறும் கொடுமைகளை தோலுரிக்கும் வகையில் பல காட்சிகள் இந்த படத்தில் இடம் பெற்றுள்ளன.

 'ஆடுகளம் 'படத்துக்கு வெற்றிமாறனுக்கு சிறந்த இயக்குனருக்கான தேசிய விருது கிடைத்ததும் குறிப்பிடத்தக்கது.  இந்த படத்தில் ஆனந்தி , சரவணா சுப்பையா, கிஷோர் , முருகதாஸ் , முத்துகுமார், சந்திரன் , அஜய் கோஷல், மூனார் ரமேஷ்  ஆகியோர் நடித்துள்ளனர்.

தனுஷின் வுண்டர் பார் பிரைவேட் லிமிடெட் மற்றும் கிராஸ் ரூட்  பிலிம் கம்பெனி இனைந்து தயாரித்துள்ள விசாரணை திரைப்படத்தின் அனைத்து உரிமைகளையும் பெற்றுள்ள லைகா நிறுவனம் இந்த படத்தை உலகம் முழுவதும் விரைவில் வெளியிடவிருக்கிறது.

எடிட்டர் சாய்ஸ்

[X] Close