Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மிஷ்கின் சொன்னது நடந்துவிட்டது

 கடந்தவாரம் ஜி.வி.பிரகாஷ் நடித்த த்ரிஷாஇல்லன்னாநயன்தாரா, நயன்தாரா நடித்த மாயா, கவுண்டமணி நடித்த 49ஓ ஆகிய மூன்றுபடங்கள் வெளியாகின. இவற்றில் மாயா படம் பேய்க்கதை. கவுண்டமணி படம் விவசாயநிலங்களைப் பாதுகாக்கவேண்டும் என்று சொல்லுகிற கதை, ஜி.வி.பிரகாஷ் படம் இன்றைய இளைஞர்களை மையப்படுத்தி எடுக்கப்பட்ட பொழுதுபோக்குக் கதை. இம்மூன்று படங்களில் நயன்தாரா படம், திரைக்கதைக்காகவும் சிறப்பான தொழில்நுட்பங்களாலும் வரவேற்பைப் பெற்றிருக்கிறது.

கவுண்டமணி படம் கவுண்டமணிக்காவும் படத்தின் கருத்துக்காகவும் வரவேற்புப் பெற்றிருக்கிறது. வசூலைப் பொறுத்தவரை பரவாயில்லை ரகம்தான். ஆனால் த்ரிஷாஇல்லன்னாநயன்தாரா படம் வசூலில் முன்னணியில் இருக்கிறது. முன்னணிநாயகர்களின் படங்கள் அளவுக்கு வசூல் இருப்பதாகச் சொல்லப்படுகிறது. குடும்பத்தோடு பார்க்க முடியாது, காதலியோடு சென்று பார்த்தால்கூட வம்பு என்கிற விமர்சனங்களைச் சந்தித்தாலும் திரையரங்குகளில் கூட்டம் இருக்கிறது.

அண்மையில் ஒரு விழாவில் கலந்துகொண்ட மிஷ்கின், என் படத்துக்குப் பெண்கள் குழந்தைகளோடு வராதீர்கள், நான் ஏ சான்றிதழ் படம் எடுக்கப்போகிறேன் என்றார். அப்போது அவருடைய பேச்சு சரியில்லை என்பது போன்ற விமர்சனங்கள் வந்தன. ஆனால் அவர் பேசி இரண்டுநாட்கள் கழித்து வெளியான ஏ சான்றிதழ் படமான த்ரிஷாஇல்லன்னாநயன்தாரா பெரியவெற்றியைப் பெற்றிருக்கிறது. 

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close