Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ரூ.25 லட்சத்தில் தீபாவளி பரிசு: நடிகர் சங்கம் வழங்கியது

தென்னிந்திய நடிகர் சங்கம் சார்பில் நலிவடைந்த சங்க உறுப்பினர்களுக்கு இன்று தீபாவளி பரிசு பொருட்கள் வழங்கப்பட்டது. சென்னை தி.நகரில் உள்ள நடிகர் சங்க இடத்தில் தலைவர் நாசர், பொருளாளர் கார்த்தி, துணைத் தலைவர் பொன் வண்ணன் ஆகியோர் இலவச வேட்டி, சேலை மற்றும் இனிப்புகள் வழங்கினர்.

நடிகர் சங்கம் சார்பில் 3,250 பேருக்கு ரூ.25 லட்சம் மதிப்பில் இன்று முதல் 3 நாட்கள் தீபாவளி பரிசு வழங்கப்படுகிறது. சென்னையில் 2000 கலைஞர்களுக்கும், கோவை, மதுரை, புதுக்கோட்டை உள்ளிட்ட மற்ற மாவட்டக் கலைஞர்களுக்கும் இந்த உதவிகள் வழங்கப்படுகின்றன.

கோவை மாவட்ட கலைஞர்களுக்கு, நடிகர் சங்க செயற்குழு உறுப்பினர் கோவை சரளா நலத்திட்ட உதவிகளை வழங்குகிறார். மதுரை மாவட்டக் கலைஞர்களுக்கு, துணைத்தலைவர் கருணாஸ் நலத்திட்ட உதவிகளை வழங்குகிறார்.

நடிகர், நடிகைகளுக்கு தீபாவளி பரிசு வழங்கிய பின்னர் செய்தியாளர்களிடம் பேசிய நடிகர் சங்கத் தலைவர் நாசர், "நடிகர் சங்க முன்னாள், இன்னாள் உறுப்பினர்கள் பற்றி தகவல் களஞ்சியம் உருவாக்கப்படும். தகவல் அடிப்படையில் கலைஞர்களுக்கு தனிப்பட்ட வசதிகள் செய்து தரப்படும்" என்றார்.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close