Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

நடிகர்சங்கத்தில் சிவாஜி, மேஜர் இருந்த காலம் பொற்காலமா?

தென்னிந்தியநடிகர்சங்கத்தின் நிர்வாகிகள், நவம்பர் 16 ஆம் தேதி காலை 11 மணிக்கு தலைமைச்செயலகத்தில் முதலமைச்சரைச் சந்தித்தனர். அப்போது, அவர்களை மகிழ்வோடு வரவேற்று அக்கறையோடு நடிகர்சங்கத்தின் நிலையைக் கேட்டறிந்து கொண்டு புதியநிர்வாகத்தை மனதார வாழ்த்தினார்.

தென்னிந்திய நடிகர்சங்கத்தில் நடிகர்திலகம் சிவாஜிகணேசன், திரு மேஜர்சுந்தர்ராஜன் ஆகியோர் நிர்வாகத்தில் இருந்த பொற்காலத்தை இந்தப் புதுநிர்வாகம் மீண்டும் கொண்டுவரவேண்டும். இந்தப்புதுநிர்வாகம் அதைச் செய்யுமென்று நம்பிக்கை இருக்கிறது. சங்கத்தின் வளர்ச்சிக்கு அரசின் முழு ஆதரவு இருக்குமென்றும் கூறினார்.

சங்கத்தின் புதுக்கட்டிடத்திற்கான அடிக்கல் நாட்டுவிழாவுக்கு வந்து சிறப்பிக்க வேண்டுமென்று பொதுச்செயலாளர் விஷால் வேண்டுகோள் வைக்க புன்சிரிப்போடு முன்கூட்டியே அந்நாளை தெரிவிக்குமாறும் கண்டிப்பாகக் கலந்துகொள்வதாகவும் உறுதி கூறினார் என்று பத்திரிகைகளுக்கு நடிகர்சங்கம் சார்பில் செய்தி அனுப்பப்பட்டது.

இந்தச்செய்திக்குறிப்பின்படி, சிவாஜிகணேசன், மேஜர்சுந்தர்ராஜன் ஆகியோர் நிர்வாகிகளாக இருந்த காலத்தைப் பொற்காலம் என்று முதல்வர் சொன்னதாகத் தெரிகிறது. 1977 முதல் 1985 வரை சிவாஜிகணேசன் தலைவராகவும் மேஜர்சுந்தர்ராஜன் செயலாளராகவும் இருந்தார்கள். அதன்பின் 85 இலிருந்து 2000 வரையிலான பதினைந்துஆண்டுகள் ராதாரவியும் 2000 இலிருந்து 2006 வரை விஜயகாந்தும், 2006 இலிருந்து 2015 வரை சரத்குமாரும் தலைவராக இருந்தார்கள்.

முதல்வரின் கருத்துப்படி இவர்கள் காலம் கணக்கிலேயே எடுத்துக்கொள்ளப்படவில்லை என்று தெரிகிறது. இது இப்போது விவாதப்பொருளாகியிருக்கிறதாம். சிவாஜி காலத்தில்தான் கடன் ஏற்பட்டதென்றும் விஜயகாந்த் தலைவராக இருந்தபோது அது அடைக்கப்பட்டதென்றும் சொல்வார்கள்.

கடன் வாங்கிய காலத்தைப் பொற்காலம் என்றும் கடன் அடைத்த காலத்தைப் பற்றிப் பேசாமல் இருப்பதற்கும் அரசியல்தான் காரணமென்று சொல்லப்படுகிறது. விஜயகாந்தாவது எதிரணியில் இருக்கிறார் சொந்த அணியிலிருக்கும் சரத்குமாரையும் முதல்வர் கண்டுகொள்ளாததது ஏன் என்கிற கேள்வி பலருக்கும் வந்திருக்கிறது.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close