Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

செய்த தவறைச் சரிசெய்கிறாரா விஜய்?

விஜய்யின் அறுபதாவது படத்தை பரதன் இயக்கப்போகிறார் என்று செய்தி வந்ததிலிருந்து அதுபற்றிப் பலவிதமான பேச்சுகளும் வரத்தொடங்கிவிட்டன. ஏற்கெனவே விஜய்யை வைத்து அழகியதமிழ்மகன் என்ற தோல்விப்படத்தைக் கொடுத்தவருக்கே அடுத்தபடத்தைக் கொடுத்திருக்கிறார்.

இது விஜய்க்குப் பலவீனம் என்று சிலரும், வெற்றி தோல்விகளைப் பற்றிக் கவலைப்படாமல் ஒருவருடைய திறமை மீது நம்பிக்கை வைத்த விஜய் பாராட்டுக்குரியவர் என்றும் இரண்டுவிதமான கருத்துகள் பரிமாறப்பட்டுக்கொண்டிருக்கின்றன.

இதற்கிடையே விஜய் ஏற்கெனவே செய்த தவறை இப்போது சரி செய்துகொண்டிருக்கிறார் என்றும் சொல்லப்படுகிறது. 2004 ஆம் ஆண்டு வெளியான விஜய்யின் மிகப்பெரிய வெற்றிப்படமான கில்லி படத்துக்கு வசனம் எழுதியிருந்தார் பரதன். அப்போது தாமே ஒரு படத்தை இயக்குவதற்காக ஒரு கதையை விஜய்யிடம் சொன்னாராம் பரதன்.

விஜய் அந்தக்கதையை வேண்டாமென்று சொல்லிவிட்டு வேறொருவரின் கதையை எடுத்துக்கொண்டு நீங்கள் இயக்குநராக மட்டும் இருங்கள் என்று சொல்லி எடுக்கப்பட்ட படம்தான் அழகியதமிழ்மகன். விஜய் சொன்னதைக் கேட்டதால் பரதனுக்கு அடுத்த படம் கிடைப்பதே தாமதமானது. மறுபடி படங்களுக்கு வசனம் எழுதினார்.

மலையாளத்தில் வெற்றிபெற்ற காக்டெயில் படத்தைத் தமிழில் அதிதி என்கிற பெயரில் இயக்கினார். இப்போதும் பரதன் சொன்ன கதை பிடித்து கதையை மட்டும் வைத்துக்கொண்டு வேறு இயக்குநரை வைத்து படத்தை எடுக்கலாம் என்றுதான் முதலில் திட்டமிட்டிருக்கிறார்கள். வேறு யாரும் அதற்குப்பொருத்தமாக அமையாத நேரத்தில், பரதனே இயக்கட்டும் என்று விஜய்யே சொன்னதாகச் சொல்லப்படுகிறது.

பரதன் சொன்ன கதையை வேண்டாமென்று சொன்னதன் மூலம் நடந்த தவறைச் சரிசெய்யவே இப்போது பரதன் கதையை பரதனே இயக்கட்டும் என்று விஜய் முடிவுசெய்திருப்பார் என்றும் பேச்சுகள் இருக்கின்றன. ஒரு படம் பற்றி ஒரு செய்திதான் அதிகாரப்பூர்வமாக வந்தது. அதன்பின் இதுபோல் நிறையச் செய்திகள் தாமாகவே முளைத்துவருகின்றன.

Advertisement
Advertisement
Advertisement
Advertisement
Advertisement

MUST READ

Advertisement

எடிட்டர் சாய்ஸ்

[X] Close