Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சாத்தியமாகுமா விக்ரம்-நயன்தாரா ஜோடி?

 ஆனந்த் ஷங்கர் இயக்கத்தில் விக்ரம் நடிக்கும் அடுத்த படம் விரைவில் துவங்கப்பட உள்ளது. ஆனந்த் ஷங்கர் விக்ரம்பிரபுவின் அரிமா நம்பி படத்தை இயக்கியவர் என்பது குறிப்பிடத்தக்கது. இப்படத்தை ஐங்கரன் இண்டர்நேஷனல் தயாரிப்பதாக இருந்து அவர்கள் பின்வாங்கியதை அடுத்து இப்போது ஷிபு தமீன்ஸ் தயாரிக்க உள்ளார்.

ஷிபு தமீன்ஸ் விஜய்யின் புலி படத்தை தயாரித்தவர் என்பது குறிப்பிடத்தக்கது. விரைவில் மலேசியாவில் துவங்கப்பட உள்ள இப்படத்தின் நாயகியாக காஜல் அகர்வாலிடம் பேசப்பட்டது. தற்போது புதிய செய்தியாக நயன்தாராவிடம் பேச்சுவார்த்தை நடத்தியதாகவும் அவரும் ஒப்புக்கொண்டுள்ளதாகவும் தகவல்கள் கசிந்துள்ளன.

எனினும் ’நயன்தாரா எப்படி ஒப்புக்கொள்ள முடியும்?’...என்ற கேள்வி எழுந்துள்ளது. கள்வனின் காதலி படத்தில் நடித்துக்கொண்டிருந்த நயனை ஏன் இந்தப் படத்துக்கெல்லாம் ஒப்புக்கொள்கிறீர்கள் என தன் படத்துக்கு அழைத்ததாகவும், அதனால்  விக்ரமின் படங்களில் இது நாள் வரை நயன்தாரா ஜோடி சேரவில்லை என்றும் பேச்சு இருக்கிறது. இந் நிலையில் இப்போது இவர்கள் ஜோடி சாத்தியமா என்ற கேள்வி எழுந்துள்ளது. எனினும் பொருத்திருந்து பார்க்கலாம். படத்தின் இன்னொரு நாயகியாக பிந்துமாதவி ஏற்கெனவே தேர்வாகியிருப்பது குறிப்பிடத்தக்கது.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close