Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சென்னை மழை கடவுள் கொடுத்த தண்டனை - இளையராஜா நெகிழ்ச்சி!

கடந்த சில நாட்களாக பெய்த தொடர் மழையின் காரணமாக பாதிக்கப்பட்டவர்களுக்கு தொடர்ச்சியாக பல்வேறு தரப்பின்னரும் தங்களால் முடிந்த உதவிகளையும் , நிவாரணப் பொருட்களையும் வழங்கி வருகின்றனர் . தமிழக திரைத்துறையினரும் பல்வேறு குழுக்களாக செயல்பட்டு நிவாரண உதவிகளை செய்து வருகின்றனர் .

அந்த வகையில் நேற்று சென்னையில் தென்னிந்திய திரைப்பட தொழிலாளர்கள் சம்மேளனம் ( பெப்சி ) சார்பில் பாதிக்கப்பட்ட திரைப்படத் தொழிலாளர்களுக்கு நிவாரணப் பொருட்கள் வழங்கும் நிகழ்வு நடைபெற்றது . இந்த விழாவில் கலந்து கொண்டு நிவாரணப் பொருட்களை வழங்கிய இசைஞானி இளையராஜா செய்தியாளர்களிடம் பேசிய போது, "இந்த மேடை விளம்பரத்திற்கான மேடை அல்ல , கொடுப்பவர்களின் கரங்களும் வாங்குபவர்களின் கரங்களும் ஒரே மாதிரியாக உள்ளன .

நாம் எங்கேயோ எதுவோ தவறு செய்திருக்கிறோம். இறைவன் நினைத்திருந்தால் சுனாமி போன்ற பேரழிவை ஏற்படுத்தியிருக்கலாம். ஆனால், ஐம்பூதங்களில் ஒன்றான நீர் மூலம் கஷ்டப்படுத்தி இருக்கிறான். இந்த மழைதான் மனிதநேயத்தையும் வளர்த்திருக்கிறது. இது நாள் வரை பக்கத்து வீட்டில் யார் இருக்கிறார்கள் என தெரியாமல் வாழ்ந்த சூழலில் இப்போது அந்த வீட்லயும் நிறையப் பேர் சாப்பிடாம இருக்காங்க அவங்களுக்கும் கொண்டு போய்க்  கொடுங்கன்னு மக்கள் கூறுகிறார்கள்" எனக்கூறினார்.

நடிகர் சங்கத் தலைவர் நாசர் நிவாரணப் பொருட்களை வழங்க வந்தபோது மின்சாரம் தடைபட்டது. இதனால் அருகில் இருந்தவர்களின் அலைபேசி ஒளியில் நிவாரணப் பொருட்களை வழங்கி சென்றார் . இந்தநிகழ்வில் தயாரிப்பாளர் சங்கத் தலைவர் தாணு , பெப்சி தலைவர் சிவா மற்றும் திரைத்துறையினர் பலரும் கலந்து கொண்டு பாதிக்கப்பட்டவர்களுக்கு நிவாரணப் பொருட்களை வழங்கினர் .

- க.பாலாஜி - 

 

தென்னிந்திய திரைப்பட தொழிலாளர்கள் சம்மேளனம் ( பெப்சி ) நடத்திய நிவாரண உதவிகள் - ஆல்பத்திற்கு க்ளிக்குக!

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close