Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

விவேகாவிற்கு முன்னுரிமை கொடுத்த கபிலன்வைரமுத்து

புத்தாண்டு தினத்தன்று வெளியாகும் படங்களில் ஒன்று பேய்கள் ஜாக்கிரதை. இயக்குநர் சரணிடம் உதவியாளராக பணிபுரிந்த கண்மணி என்பவர் இந்தப் படத்தை இயக்கியிருக்கிறார்.

மொட்டை ராஜேந்திரன், தம்பிராமையா முக்கிய கேரக்டரில் நடித்திருக்கும் இந்தப்படத்தில் மொத்தம் மூன்று பாடல்கள். விவேகா ஒரு பாடலையும் கபிலன்வைரமுத்து இரண்டு பாடல்களையும் எழுதியிருக்கிறார்கள். சில மாதங்களுக்கு முன் இந்த படத்தின் பர்ஸ்ட் லுக் போஸ்டர் வெளியானபோது அதில் பாடலாசிரியர் வரிசையில் முதலில் கபிலன்வைரமுத்துவின் பெயரும் இரண்டாவதாக விவேகாவின் பெயரும் அச்சாகியிருந்தது.

படத்தில் அதிகப்படியான பாடல்களை கபிலன் எழுதியிருப்பதால் அவர் பெயர் முதலில் இடம் பெற்றிருந்தது குறிப்பிடத்தக்கது. இதைப் பார்த்துவிட்டு கபிலன்வைரமுத்து இயக்குநரை அழைத்திருக்கிறார். “போஸ்டர்ல விவேகா பேர இரண்டாவதா போட்டிருக்கீங்க. அவர்தான் சீனியர். அவர் பேர்தான் முதல இருக்கணும். தயவு செய்து மாத்தீருங்க” என்று கேட்டிருக்கிறார்.

அதன்படி அனைத்து போஸ்டர்களிலும் பெயர் வரிசை மாற்றம் செய்யப்பட்ட போஸ்டர்கள் தற்பொழுது வெளியாகியிருக்கிறது.

MUST READ

எடிட்டர் சாய்ஸ்

[X] Close