Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மாபெரும் தோல்விகளுக்குப் பிறகும் எழுந்து நிற்கும் சூர்யா

தமிழின் முன்னணிநாயகர்களில் ஒருவரான சூர்யாவுக்கு 2015 ஆம் ஆண்டு கலவையான ஆண்டாக அமைந்திருக்கிறது. நடிகராக அவருக்கு இந்தஆண்டு வெங்கட்பிரபு இயக்கத்தில் அவர் நடித்த மாசுஎன்கிறமாசிலாமணி (மே 29, 2015) படம் மட்டும்தான் வெளியானது.

அந்தப்படத்தில் அவருக்கு இரட்டைவேடம், அவற்றில் ஒன்று ஆவி என்று சமகாலத்திற்கேற்ற கதையாக அமைந்தும் அந்தப்படம் எதிர்பார்த்தபடி போகவில்லை. சிலபடங்கள் நல்லவிமர்சனங்களைப் பெறும், வசூலில் குறைவாக இருக்கும். இந்தப்படம் விமர்சனரீதியாகவும் சரியாக இல்லை. இதற்கு முந்தைய படமான 2014 இல் வெளியான அஞ்சான் (ஆகஸ்ட் 15, 2014) படமும் அவருக்குக் கைகொடுக்கவில்லை.

இப்படி தொடர்ந்து இரண்டுபடங்கள் பெரிதாகப் போகவில்லை என்பது ஒரு நாயகனாக சூர்யாவுக்கு இது வருத்தத்தைத் கொடுத்திருக்கும் என்பதில் மாற்றமில்லை. அதுவும் அவை இரண்டும் மிகப்பெரிய செலவில் எடுக்கப்பட்ட படங்கள் என்பதால் பொருள் இழப்பும் பெரிதாக இருந்திருக்கும். ஆனால் இவ்விரு பெரியதோல்விகளையும் அவரும் மறந்து மக்களும் மறக்கிற வகையில் தயாரிப்பாளராக 2015 இல் பெரியவெற்றியையும் மிகுந்த மரியாதையையும் பெற்றிருக்கிறார் என்று சொல்லலாம்.

பல ஆண்டுகளுக்குப் பிறகு ஜோதிகா திரும்பவும் நடித்த 36 வயதினிலே மற்றும் பாண்டிராஜ் இயக்கத்தில் பசங்க2 ஆகிய இரண்டுபடங்களையும் சூர்யாவின் 2டி நிறுவனம் தயாரித்திருந்தது. இவ்விரு படங்களுமே நல்ல வரவேற்பைப் பெற்றதோடு வசூலிலும் வெற்றி பெற்றன என்கிறார்கள். குடும்பத்துப்பெண்களின் உணர்வுகளையும் அவர்களுடைய திறமைகளை வெளிப்படுத்தும் ஊக்கத்தையும் கொடுத்தவகையில் 36 வயதினிலே படமும், கல்விமுறையை விமர்சனம் செய்வதோடு நகரமக்களின் வாழ்க்கைமுறையையும் விமர்சனம் செய்த படமாக அமைந்தது.

திரைப்படக்கலையை வியாபாரமாக மட்டும் பார்க்காமல் அதன்மூலம் நம்மாலியன்ற நல்லகருத்துகளைச் சொல்லவேண்டும் என்கிற எண்ணத்தினால் சூர்யா மக்களின் நன்மதிப்பைப் பெற்றிருக்கிறார். அதேசமயம் அவர் கதாநாயகனாக நடிக்கும் படங்களிலும் இன்னும் கூடுதல் கவனம் செலுத்தினால் நல்லது என்கிறார்கள். 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close