Vikatan.com

www.vikatan.com would like to send you push notifications.

Notifications can be turned off anytime from browser settings.

நடிப்பை விடப்போகும் சமந்தாவின் எதிர்காலத் திட்டம் என்ன?

விஜய்க்கு ஜோடியாக தெறி படத்திலும், சூர்யாவிற்கு ஜோடியாக 24 படத்திலும் நடித்துக்கொண்டிருக்கிறார் சமந்தா. அதுமட்டுமின்றி தெலுங்கிலும் பிஸி நடிகையாக வலம் வருகிறார்.

இந்நிலையில் சமுகப் பணிகளில் ஈடுபட்டுவரும் சமந்தா, அறக்கட்டளை தொடங்கி குழந்தைகள் இருதய அறுவை சிகிச்சைக்கும் உதவி வருகிறார். அதுமட்டுமின்றி சினிமா வாய்ப்புகள் குறைந்ததும் முழு நேர சமூக சேவையில் ஈடுபடப்போவதாகவும் அறிவித்திருக்கிறார்.

அதுபற்றி சமந்தா கூறும்போது,

‘‘நான் நல்ல நடிகையாக பெயர் வாங்கி விட்டேன். சினிமாவில் நடிப்பதோடு சமூக சேவைப் பணிகளிலும் ஈடுபட்டு வருகிறேன். இதனால் எனக்கு ஓய்வே கிடைப்பது இல்லை. இரண்டு வேலைகளையும் எப்படி உங்களால் செய்ய முடிகிறது? கஷ்டமாக இல்லையா? என்று என்னிடம் பலர் கேட்கிறார்கள். வேலை இல்லாமல் இருந்தால் தான் கஷ்டமாக இருக்கும்.

இந்த உலகத்தில் என்னை விட அழகான பெண்கள் நிறையப் பேர் இருக்கிறார்கள். என்னை விட திறமைசாலிகளும் அதிகம் இருக்கிறார்கள். இவர்கள் மத்தியில் கடவுள் எனக்குக் கதாநாயகி என்ற அந்தஸ்தை தந்து இருக்கிறார். எனவே சினிமா தொழிலை உயர்வாக நேசிக்கிறேன்.

சினிமா மீது எனக்குள்ள காதலுக்கு எல்லையே கிடையாது. எப்போதும் படப்பிடிப்புகளிலேயே இருக்க வேண்டும் என்று தோன்றுகிறது. படப்பிடிப்பு அரங்கை விட்டு வீட்டுக்கு செல்ல இஷ்டம் இல்லை. படப்பிடிப்பில் இருப்பதே எனக்கு மகிழ்ச்சி தருகிறது. சினிமாவே எனது வாழ்க்கையாகவும் மாறி விட்டது” என்று சமந்தா கூறினார்.

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

MUST READ

எடிட்டர் சாய்ஸ்

திருப்பதியிலிருந்து திருமலைக்கு நடந்து செல்பவர்களின் கவனத்துக்கு..!