Vikatan.com

www.vikatan.com would like to send you push notifications.

Notifications can be turned off anytime from browser settings.

ஒரே நாளில் விஜய், சூர்யா, சிம்பு படங்கள்

பொங்கல் உள்ளிட்ட பண்டிகை நாட்களில் ஏதாவதொரு பெரியபடம் மட்டுமே வெளியாகும் வழக்கம் அண்மைக்காலமாக உடைபட்டுக்கொண்டிருக்கிறது. வருகிற பொங்கலன்று பாலாவின் தாரைதப்பட்டை, விஷால் நடிக்கும் கதகளி, உதயநிதி நடிக்கும் கெத்து, சிவகார்த்திகேயன் நடிக்கும் ரஜினிமுருகன் ஆகிய நான்குபடங்கள் வெளியாகவிருக்கின்றன.

இதற்கடுத்து ஏப்ரல் மாதத்தில் வருகிற தமிழ்ப்புத்தாண்டு எனப்படுகிற சித்திரைமுதல்நாளிலும் மூன்று பெரியபடங்கள் வரவிருப்பதாகச் சொல்லப்படுகிறது. விக்ரம்குமார் இயக்கத்தில் சூர்யா நடித்திருக்கும் 24 படம் பொங்கலில் வெளியாகும் என்று முதலில் சொல்லப்பட்டது- ஆனால் படத்தின் வேலைகள் நிறைவடையாது என்பதால் ஏப்ரலுக்குத் தள்ளிவைப்பதாகச் சொல்லப்பட்டுவிட்டது.

அதன்பின்னர் அட்லி இயக்கத்தில் விஜய் நடிக்கும் தெறி படம் ஏப்ரலில் வெளியாகும் என்று சொல்லப்பட்டது. இப்போது கௌதம்மேனன் இயக்கத்தில் ஏ.ஆர்.ரகுமான் இசையில் சிம்பு நடித்திருக்கும் அச்சம்என்பதுமடமையடா படமும் ஏப்ரலில் வெனியாகவிருப்பதாகச் சொல்லப்படுகிறது. இம்மூன்று படங்களுமே ரசிகர்களால் அதிகம் எதிர்பார்க்கப்படுகிற படங்கள். இம்மூன்றும் ஒரேநாளில் வெளியானால் கடும்போட்டி இருக்கும் என்பது மட்டும் நிச்சயம்.

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

MUST READ

எடிட்டர் சாய்ஸ்

சிவாஜி குறித்து எம்.ஜி.ஆரின் சிலாகிப்பு! #HBDSivaji #NadigarThilagam
placeholder

ல பெண்களைக் கெடுத்துப் பொய் சொல்லும் பாத்திரம் அது. ஆனால், ஒவ்வொரு கட்டத்திலும் மக்களைத் தன்பால் இழுக்கு மளவுக்கு, ‘ஆங்கிலப் பாணி’ என்று உயர்த்திச் சொல்லப்படும் தகுதியோடு நடித்துப் புகழ்பெற்றார். இன்று, வேறு கோணங்களில் நின்று பார்ப்பவர்கள் சிலர், “ஆங்கிலப் படங்களைப் பார்த்து, அந்தப் பாத்திரங்களைப் போலவே, அந்தப் பாணியிலேயே நடிக்கிறார்’ என்று கூறுகிறார்கள். ஆனால், அந்தக் காலத்தில் (‘திரும்பிப் பார்’ படமெடுத்த காலத்தில்) சிவாஜி அவர்கள் அதிக ஆங்கிலப் படங்களை எப்படிப் பார்த்திருக்க முடியும்? இப்போது ஆங்கிலப் படங்களில் நடிக்கும் நடிகர்கள் அப்போது எங்கே இருந்தார்கள்? இப்போது வருகிற படங்களைப் போல் அப்போது வருவதுண்டா? ஏற்று நடிக்கும் பாத்திரங்களுக்கு அவர் அற்புதமான மெருகேற்றி ஒப்புயர்வற்று நடிக்கும் போது, அந்த நடிப்புக்குப் பிறப்பிடமான பயிற்சியையும், தேர்ச்சியையுமல்லவா நாம் போற்ற வேண்டும்.

உங்க ஏரியா எப்படி இருக்கு? உள்ளாட்சி சர்வே முடிவுகள்..!