Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ரஜினிமுருகன் ரிலீஸூக்கு ஐந்துகோடி கொடுத்த சிவகார்த்திகேயன்?

இயக்குநர் லிங்குசாமியின் தயாரிப்பில் பொன்ராம் இயக்க சிவகார்த்திகேயன் நடித்திருக்கும் ரஜினிமுருகன் படம் தயாராகிச் சில மாதங்கள் ஆகிவிட்டன. படத்தைத் தயாரித்த திருப்பதிபிரதர்ஸ் நிறுவனத்தின் பொருளாதாரச் சிக்கல் காரணமாக அந்தப்பட வெளியீடு தள்ளிப்போய்க்கொண்டிருந்தது.

இப்போது ஜனவரி14 பொங்கல்நாளில் படம் வெளியாகிவிடும் என்று அறிவித்திருக்கிறார்கள். ஏற்கெனவே இரண்டுக்கும் மேற்பட்ட வெளியீட்டுத்தேதிகள் சொல்லப்பட்டு அப்போதெல்லாம் படம் வெளியாகாததால் இந்தத் தேதியிலாவது வந்துவிடுமா? என்கிற சந்தேகம் இருந்ததாம். ஆனால், இம்முறை படம் உறுதியாக வெளியாகிவிடும் என்று சொல்லப்படுகிறது. அதற்குக் காரணம் தயாரிப்புநிறுவனத்துக்கு இருந்த சிக்கல்கள் எல்லாம் சரிசெய்யப்பட்டுவிட்டன என்று சொல்லப்படுகிறது.

ஒன்றைச் சரிசெய்தால் இன்னொன்று வரும் என்பதற்கேற்ப பல்வேறு சிக்கல்களை எதிர்கொண்டுவந்த தயாரிப்பாளர்களின் சிக்கலைத் தீர்க்க உதவி செய்ய சிவகார்த்திகேயன் முன்வந்தார் என்று சொல்லப்பட்டது.

இதற்காக அவர் ஐந்துகோடி கொடுத்திருப்பதாகச் சொல்லப்படுகிறது. இதனால் மிச்சம்மீதி இருந்த சிக்கல்களும் தீர்க்கப்பட்டு கண்டிப்பாக படம் வெளியாகிவிடும் என்று சொல்கிறார்கள்.

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

MUST READ

எடிட்டர் சாய்ஸ்

திருப்பதியிலிருந்து திருமலைக்கு நடந்து செல்பவர்களின் கவனத்துக்கு..! 
[X] Close