Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அசினுக்குக் இன்று டெல்லியில் திருமணம்!

மலையாளம், தமிழ், தெலுங்கு, இந்தி என அனைத்து மொழிகளிலும் தனது திறமையான நடிப்பினால் ரசிகர்களை கவர்ந்தவர் நடிகை அசின். தமிழில் உள்ளம் கேட்குதே படம் மூலம் அறிமுகமானவர் எம்.குமரன் படம் மூலம் பிரபலமானார். தொடர்ந்து கமல், விஜய், அஜித், விக்ரம், சூர்யா என தமிழில் முன்னணி நடிகர்கள் பலருடனுடம் நடித்து ஒரு கட்டத்தில் டாப் நடிகைகளில் முதலிடம் வரையிலும் கூட பிடித்தார்.

பின்னர் இந்தியில் சல்மான்கான், அக்‌ஷய் குமார் என பாலிவுட்டிலும் வலம் வந்தவருக்கு மைக்ரோமேக்ஸ் இணை நிறுவனர் ராகுல் ஷர்மாவுடன் திருமணம் என அறிவிக்கப்பட்டது. அதன்படி இவருக்கும், ராகுல் ஷர்மாவிற்கும் இன்று டெல்லியில் திருமணம் நடைபெற்றது.

இன்று காலை சர்ச்சில் கிருஸ்துவர்கள் முறைப்படி திருமணம் நடைபெற்றது, இன்று மாலையே இந்து முறைப்படி தசித் தேவரானா ஹோட்டலில் திருமணம் நடைபெறவுள்ளது. பாலிவுட்டின் பிரபல நடிகர் மற்றும் அசினின் நெருங்கிய நண்பர் அக்‌ஷய் குமார் உள்ளிட்ட பலரும் அதில் கலந்துகொள்கிறார்கள்.

ஜனவரி 23 அன்று மும்பையில் பிரம்மாண்ட வரவேற்பு நிகழ்ச்சி நடைபெற உள்ளது. இவர்கள் திருமணம் நடைபெறும் ஹோட்டலின் புகை படங்கள் இன்ஸ்டாகிராம் பக்கத்தில் வெளியாகியுள்ளது. அசின் இறுதியாக பாலிவுட்டில் நடித்த படம் ஆல் இஸ் வெல்.இனி சினிமாக்களின் அசின் ஆர்வம் காட்டுவாரா என்பது சந்தேகமே.

-பிரியாவாசு- 

MUST READ

எடிட்டர் சாய்ஸ்

ஜெயலலிதா வாழ்வின் சில ‘கடைசி’கள்!
[X] Close