Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

விஜய் சேதுபதி படத்தலைப்புக்கு திடீர் சிக்கல்!

விஜய் சேதுபதி, மடோனா செபஸ்டியன், சமுத்திரகனி  நடிப்பில் உருவாகியுள்ள படம் காதலும் கடந்துபோகும். படத்தை இயக்கியுள்ளார் நலன் குமாரசாமி. இப்படத்தின் தலைப்பை சுருக்கி கககபோ என ஃபர்ஸ்ட் லுக் போஸ்டர், மற்றும் டீஸரில் குறிப்பிட்டனர், தற்போது அந்த டைட்டிலுக்குதான் சர்ச்சை கிளம்பியுள்ளது.

ஏற்கனவே விஜய் என்பவர் இயக்கத்தில் கககபோ என்ற தலைப்பில் ஒரு படம் முடிந்து ரிலீஸ் தேதிகளுக்காகக் காத்திருக்கும் பச்சத்தில் விஜய்சேதுபதி படத்துக்கும் அதே பெயரை வைத்து குறிப்பிடுவதாக அப்படத்தின் இயக்குநர் மீடியாக்களுக்கு கடிதம் ஒன்றை எழுதியுள்ளார். 

அக்கடித்தத்தில், அன்பு பத்திரிகை நண்பர்களுக்கு வணக்கம், நான் க க க போ என்ற திரைப்படத்தை இயக்கி முடித்துள்ளேன். இதில் பல்வேறு முன்னணி நகைச்சுவை நடிகர்கள் நடித்து, திரைப்படம் முடிந்து தற்பொழுது வெளியீட்டிற்கு தயார்நிலையில் உள்ளது.

இன்னிலையில் நடிகர் விஜய் சேதுபதி நடித்திருக்கும் காதலும் கடந்து போகும் திரைப்படத்திற்கும் க க க போ என பெயரிட்டு விளம்பரம் செய்கிறார்கள், இது எங்கள் திரைப்பட தலைப்பிற்கு குழப்பம் விளைவிக்கும் வகையில் உள்ளது. எனவே பத்திரிகை நண்பர்கள் க க க போ தலைப்பு எங்களுக்கே சொந்தம் என்பதையும், இந்த தலைப்பில் குழப்பம் வராமல் செய்திகளை வெளியிடுமாறும் அன்போடு கேட்டுகொள்கிறோம். என எழுதியுள்ளார். 

கொஞ்சம் யோசித்தால் காதலும் கடந்து போகும் படத்தலைப்பில் இரண்டு க மட்டுமே உள்ளது என்ற நிலையில் மூன்றாவது க சேர்த்து கககபோ எனக் குறிப்பிடுவது தேவையா என்றே தோன்றுகிறது. மேலும் படத்தின் தலைப்பும் சுத்தமான தமிழ்ப் பெயர் என்பதால். வரிச் சிக்கலுக்காக இரண்டு தலைப்புகளும் இங்கே தேவையில்லை என்றே தோன்றுகிறது. 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close