Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பொன்ராம் இயக்கத்தில் நடிக்கிறார் லாரன்ஸ்

  கடந்தஆண்டு வெளியான காஞ்சனா2 படத்தின் மிகப்பெரிய வெற்றிக்குப் பிறகு ராகவாலாரன்ஸ் மொட்டசிவா கெட்டசிவா மற்றும் பைரவா ஆகிய படங்களில் நடிக்கிறார்.

இப்படங்களை முடித்ததும் அடுத்து ஒரு படத்தில் நடிக்க இப்போதே ஒப்புக்கொண்டிருக்கிறாராம். ஐங்கரன்நிறுவனம் தயாரிக்கும் புதியபடமொன்றில் அவர் நடிக்கவிருப்பதாகச் சொல்லப்படுகிறது.

வருத்தப்படாதவாலிபர்சங்கம், ரஜினிமுருகன் ஆகிய படங்களை இயக்கிய பொன்ராம் அந்தப்படத்தை இயக்கவிருப்பதாகவும் சொல்லப்படுகிறது. இருவரும் தனித்தனியே ஐங்கரன் நிறுவனத்தின் படத்தில் பணிபுரிய ஒப்புக்கொண்டிருந்தார்களாம். பொன்ராம் சொன்ன கதை லாரன்ஸ்க்குப் பொருத்தமாக இருக்கும் என்று அவரிடம் சொல்லியிருக்கிறார்கள். அவருக்கும் கதை பிடித்துவிட்டதாம்.

அதோடு பொன்ராம் இயக்கிய இரண்டு படங்களுமே நல்லவெற்றியைப் பெற்றிருக்கின்றன. அவரோடு லாரன்ஸூம் சேர்ந்தால் அந்தப்படத்துக்கு எதிர்பார்ப்பு இருக்கும் என்று விநியோகஸ்தர்களும் சொன்னதாகத் தெரிகிறது. இதனால் பொன்ராம் இயக்கத்தில் நடிக்க லாரன்ஸ் ஒப்புக்கொண்டதாகச் சொல்லப்படுகிறது.     

 

 

MUST READ

எடிட்டர் சாய்ஸ்

[X] Close