Vikatan.com

www.vikatan.com would like to send you push notifications.

Notifications can be turned off anytime from browser settings.

கடைசியில என்னையும் ட்விட்டர் பக்கம் வர வைச்சிட்டீங்களே- புலம்பும் சசிகுமார்

இயக்குநர், நடிகர் சசிகுமார், சமூகவலைதளங்கள் பக்கம் தலைகாட்டாமல் இருந்தார். இப்போது அவரும் வந்துவிட்டார்.  அவர் போட்டிருக்கும் பதிவிலிருந்து...

ஃபேஸ்புக், ட்விட்டர் பக்கம் இப்போதான் முதன் முறையாக அடியெடுத்து வைக்கிறேன். என்னைப் பற்றிப் பெருமிதம் பேசவோ, பாராட்டு தேடிக்கொள்ளவோ நிச்சயமாக நான் வரலை. அப்படி நினைத்திருந்தால் முன்னாடியே வந்திருப்பேன்.

இத்தனை நாள் நான்தான் வரலையே தவிர, என்னோட பேரில் நிறைய பேர் ட்விட்டர் மற்றும் ஃபேஸ்புக் கணக்குகளைத் தொடங்கி இஷ்டத்துக்கு ஏதேதோ எழுதியபடி இருந்தாங்க. இதுக்கு முற்றுப்புள்ளி வைக்க நானே களத்துக்கு வரவேண்டியதா ஆகிடிச்சு. இது மட்டுமில்லாமல், சக மனிதர்களில் ஒருவனாக என் பார்வையைப் பதிவு செய்யலாமேங்கிற ஆர்வமும், சமீபகால நிகழ்வுகள் மீதான அக்கறையும்தான் என்னையும் எழுதத் தூண்டியது.

அதுக்காக 'சாப்பிட்டேன்', 'தூங்கினேன்'னு வெறுமனே சுயபுராணம் பாடப் போறது கிடையாது; ஒருத்தரோட இறப்புக்குகூட வருத்தமா ரெண்டு வார்த்தைகளையும் கண்ணீரோடு ரெண்டு பொம்மைங்களையும் பதிவா போட்டு, 'நானும் வருத்தப்பட்டேன்'னு சொல்லப்போறதும் கிடையாது. நல்லதுக்குப் போக முடியலைன்னாகூட இறப்புக்கு ஓடோடிப்போய் நிற்கிறதுதுதானே நம்ம வழக்கம். முடிஞ்சா நேர்லபோய் அனுதாபமா நிற்கணும்; இல்லைன்னா சும்மா இருந்திடனும். .

என்னோட பார்வை, என் படம், சந்தோசம், சங்கடம்... இப்படி மனசுல பட்டதை அப்படியே இறக்கி வைக்கிற எண்ணம் தாண்டி வேறெந்த நோக்கமும் இந்த வருகைக்குப் பின்னால இல்லை. கடைசியில என்னையும் ட்விட்டர் பக்கம் வர வைச்சிட்டீங்களே  என்று பதிவிட்டுள்ளார்.

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

MUST READ

எடிட்டர் சாய்ஸ்

சிவாஜி குறித்து எம்.ஜி.ஆரின் சிலாகிப்பு! #HBDSivaji #NadigarThilagam
placeholder

ல பெண்களைக் கெடுத்துப் பொய் சொல்லும் பாத்திரம் அது. ஆனால், ஒவ்வொரு கட்டத்திலும் மக்களைத் தன்பால் இழுக்கு மளவுக்கு, ‘ஆங்கிலப் பாணி’ என்று உயர்த்திச் சொல்லப்படும் தகுதியோடு நடித்துப் புகழ்பெற்றார். இன்று, வேறு கோணங்களில் நின்று பார்ப்பவர்கள் சிலர், “ஆங்கிலப் படங்களைப் பார்த்து, அந்தப் பாத்திரங்களைப் போலவே, அந்தப் பாணியிலேயே நடிக்கிறார்’ என்று கூறுகிறார்கள். ஆனால், அந்தக் காலத்தில் (‘திரும்பிப் பார்’ படமெடுத்த காலத்தில்) சிவாஜி அவர்கள் அதிக ஆங்கிலப் படங்களை எப்படிப் பார்த்திருக்க முடியும்? இப்போது ஆங்கிலப் படங்களில் நடிக்கும் நடிகர்கள் அப்போது எங்கே இருந்தார்கள்? இப்போது வருகிற படங்களைப் போல் அப்போது வருவதுண்டா? ஏற்று நடிக்கும் பாத்திரங்களுக்கு அவர் அற்புதமான மெருகேற்றி ஒப்புயர்வற்று நடிக்கும் போது, அந்த நடிப்புக்குப் பிறப்பிடமான பயிற்சியையும், தேர்ச்சியையுமல்லவா நாம் போற்ற வேண்டும்.

உங்க ஏரியா எப்படி இருக்கு? உள்ளாட்சி சர்வே முடிவுகள்..!