Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

டிகாப்ரியோவுக்கும் விஜய், அஜித்துக்கும் என்ன சம்மந்தம்? - ரசிகர்கள் ரகளை!

இருப்பத்தி மூன்று வருடங்கள் கழித்து ஐந்து முறை பரிந்துரைக்கப்பட்டு ஐந்தாவது முறைதான் லியோனார்டோவுக்கு சிறந்த நடிகருக்கான ஆஸ்கர் விருது கிடைத்துள்ளது. இந்நிலையில் சமூக வலைதள வாசிகள் தங்கள் சிந்தனைகளைத் தூண்டி லியோனார்டோவை பாராட்டி மீம்ஸ்களைக் கொட்டத் துவங்கிவிட்டனர். ஒருபக்கம் வழக்கம் போல் நம் உள்ளூர் படங்கள் மற்றும் நடிகர்களுடன் ஒப்பிட்டு மீம்ஸ்கள் கமெண்டுகளும் அதிகரிக்கத் துவங்கியுள்ளன.

இதில் சிறப்பான விஷயம் எப்பவும் போல் விஜய் அஜித் ரசிகர்களின் சண்டை. திடீரென வாட்ஸப், முகநூல் என விஜய் , அஜித்துடன் டிகாப்ரியோவை ஒப்பிட்டு இவர்களைக் கிண்டலடித்து மாறி மாறி மீம்ஸ்கள் பரவத் துவங்கியுள்ளன. ஒரு பக்கம் கரடியுடன் சண்டையிட்ட டிகாப்ரியோவுக்கே ஆஸ்கர்னா கருஞ்சிறுத்தையோட சண்டை போட்ட நம்ம விஜயண்ணாவுக்கு என்ன கிடைக்கும், என அஜித் ரசிகர்கள் ஒரு பக்கம் விஜய்யையும், இன்னொரு பக்கம் விஜய் ரசிகர்கள் அஜித்தையும் கிண்டல் பண்ணிக் கொண்டிருக்கிறார்கள்.

முன்பெல்லாம் நம்மூரில் ஒரு பிரச்னை என்றால் மட்டும் தான் இந்த இரு அணியினரும் சம்மந்தமே இல்லாமல் சம்மந்தப் படுத்திக் கொண்டு சண்டையிடுவார்கள் இப்போது அமெரிக்காவில் நடக்கும் பிரச்னைக்குக் கூட இவர்கள் இணையத்தில் சண்டையிட்டுக் கொள்வது ட்ரெண்டாகிவிட்டது.

இப்படியே போய்க்கொண்டிருந்தால் லெமூரீயாக் கண்டத்தில் நடக்கும் பிரச்னைக்குக் கூட விஜய் அஜித் ரசிகர்கள் இணையத்தில் சண்டை போட்டுக்கொள்வார்கள். இதைத் தடுக்க ஒரே வழி அவர்களாக பார்த்து உணர்ந்து புரிந்து கொண்டால் மட்டுமே சாத்தியம். இந்தக் கட்டுரைக்குக் கூட கண்டிப்பாக இரு ரசிகர்களும் இணைந்து சாடிக்கொள்வது மட்டும் உறுதி.  நம்மையும் திட்டுவார்கள். “ இதெல்லாம் பாவம் மை சன்” எனச் சொல்வதைத் தவிர நம்மிடம் பதில் ஏதுமில்லை.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close