Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மூடநம்பிக்கைகளை உடைத்“தெறி”யும் விஜய்!

தெறி படத்தைத் தொடர்ந்து விஜய் நடிக்கவிருக்கும் படத்தை பரதன் இயக்குகிறார். கீர்த்திசுரேஷ் நாயகியாக நடிக்கிறார். அந்தப்படத்தின் படப்பிடிப்பு மே மாதத்தில் தொடங்கவிருக்கிறதாம்.

இந்தப்படத்தில் வில்லனாக நடிக்க தெலுங்குநடிகர் ஜெகபதிபாபுவை ஒப்பந்தம் செய்திருப்பதாகச் சொல்லப்படுகிறது. கதைக்கு ஏற்ற வில்லனாக அவர் இருப்பார் என்பதால் அவரை ஒப்பந்தம் செய்ததாகச் சொல்லப்படுகிறது. அதோடு படத்தைத் தெலுங்கில் வெளியிட அவர் இருப்பது ஒரு பலமாக இருக்கும் என்றும் நினைத்திருக்கலாம்.

இந்தச் செய்தி வந்தவுடன், ஜெகபதிபாபுவுக்கு எதிரான கருத்துகளும் வரத்தொடங்கிவிட்டன. 1989 ஆம் ஆண்டிலிருந்து இப்போது வரை தெலுங்கில் முன்னணிநடிகர்களில் ஒருவராக வலம்வந்துகொண்டிருக்கிறார். 2006 ஆம் ஆண்டு அர்ஜூன் நடித்த மதராஸி படத்தின் மூலம் அவர் நேரடித்தமிழ்ப்படத்தில் நடிக்கத் தொடங்கினார்.

அதன்பின்னர், விக்ரம் நடித்த தாண்டவம், ரஜினி நடித்த லிங்கா ஆகிய படங்களில் நடித்திருந்தார். அவ்விரு படங்களுமே வசூல் ரீதியாகப் பலவீனமான படங்களே. அதன்பின்னர் செல்வராகவன் இயக்கத்தில் சிம்பு நடித்த கான் படத்தில் ஒப்பந்தமானார். அந்தப்படம் பாதியோடு நின்றுபோனது. சென்டிமெண்ட் நிறைந்த திரையுலகில் இதைத்தான் இப்போது பேசிக்கொண்டிருக்கிறார்கள்.

ஜெகபதிபாபு நடித்த நேரடித்தமிழ்ப்படங்களின் நிலை நன்றாக இல்லை. இப்போது விஜய் படத்தில் ஒப்பந்தம் செய்திருக்கிறார்கள். என்னவாகுமோ? என்கிற பேச்சு வந்துவிட்டது. ஆனால் இத்தனை சென்டிமெண்டுகள் நிறைந்த திரையுலகில்தான், பிச்சைக்காரன் என்று எவரும் வைக்கத்தயங்கிய தலைப்பை வைத்து, அதை வெற்றிப்படமாக்கவும் ஆக்கினார் விஜய் ஆண்டனி.

அதுபோலவே, விஜய்யைப் பொறுத்தவரை இதுபோன்ற மூடநம்பிக்கைகளைப் பொருட்படுத்தாதவர், இதனால் முந்தைய நடப்புகளையொட்டிப் பேசப்படும் பேச்சுகளைப் பொய்யாக்கி வெற்றி பெறக்கூடியவர் என்றும் சொல்லப்படுவதுண்டு. விக்ரம், ரஜினி, சிம்பு ஆகியோர் போலன்றி விஜய் வெல்வாரா என்பதைப் பொறுத்திருந்து பார்க்கலாம்.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close