Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

முன்கூட்டியே வெளியாகிறது வெற்றிவேல் - தெறி தான் காரணமா?

ஏப்ரல் 14ஆம் தேதி விஜய்யின் ‘தெறி’ படம் வெளியானது. வழக்கமாக பெரிய படங்கள் வெளியானால், அதற்கு அடுத்த இரண்டு வாரங்களுக்கு வேறெந்த முக்கியமான படங்களும் வெளியாகாது.

ஆனால், சசிகுமாரின் ‘வெற்றிவேல்’ படம் வரும் வெள்ளிக்கிழமை ஏப்ரல் 22 அன்று வெளியாகவிருப்பதாக அறிவிப்பு வெளிவந்துள்ளது. தெறி வெளியான அடுத்த வாரமே என்பது குறிப்பிடத்தக்கது.
இந்தப்படத்தை ஏப்ரல் 29ஆம் தேதியன்று வெளியிட ஏற்கெனவே திட்டமிட்டிருந்தார்கள். இப்போது கோவில்பட்டி பகுதிகளில் தன்னுடைய அடுத்த படத்தின் படபிடிப்பில் இருக்கும் சசிகுமார், 29 ஆம் தேதி படம் ரிலீஸ் என்பதையொட்டி அதன் விளம்பரங்களில் சசிகுமார் கலந்துகொள்வதற்கேற்ப படப்பிடிப்பைத் தள்ளிவைக்கத் திட்டமிட்டமிட்டிருந்தார்களாம். இப்போது அதிலும் மாற்றங்கள் நடந்திருக்கிறதாம்.
 
குறிப்பிட்ட தேதியில் படத்தை வெளியிட முடியாமல் தள்ளிப்போவதுதான் வழக்கமாக நடப்பது. இங்கோ  திடீர் திருப்பமாக படத்தை ஒரு வாரம் முன்பாக, அதாவது இந்த வெள்ளிக்கிழமையே வெளியிடவிருப்பது திரையுலகினருக்கு ஆச்சரியத்தை ஏற்படுத்தியுள்ளது.
 
கடந்த 14ம் தேதி, தெறி திரையிடப்பட்டதால், 22ம் தேதி தியேட்டர்கள் கிடைக்காது என்பதால் 29 என்று அறிவிக்கப்பட்டிருந்தது. ஆனால், இப்போது 22 ஆம் தேதியன்றே இப்படத்துக்குப் போதுமான திரையரங்குகள் கிடைத்துவிடும் என்பதாலேயே படத்தை ஒருவாரம் முன்னதாகவே வெளியிட முடிவெடுத்திருக்கிறார்கள்.
 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close