Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

நாங்கள் கொள்ளைக்காரர்கள் இல்லை! தெறி விவகாரம், தாணு ஆவேசம்!

தெறி படம் செங்கல்பட்டு அதன் சுற்றுவட்டாரங்கள் என சுமார் 60 திரையரங்குகளில் வெளியாகவில்லை. இதனால் படத்திற்கு வருவாய் இழப்பு ஏற்பட்டுள்ளது என கலைப்புலி தாணு தெரிவித்துள்ளார். அவர் பேட்டி பின்வருமாறு,

தமிழகத்தில் வெளியான அனைத்து திரையங்குகளிலும் தெறி வசூல் சாதனையைப் பெற்றுள்ளது. ஆனால் செங்கல்பட்டைச் சேர்ந்த குறிப்பிட்ட திரையரங்கு உரிமையாளர்களால், அந்தப் பகுதிகளில் வருவாய் இழப்பு  ஏற்பட்டுள்ளது. அதற்கு அவர்கள்தான் காரணம்.

செங்கல்பட்டு திரையரங்க உரிமையாளர்கள் சங்கத்தைச் சேர்ந்த  பன்னீர் செல்வமே காரணம். ஒவ்வொரு படம் வெளியாகும் போதும் பன்னீர்செல்வம் தான் பிரச்னை கொடுக்கிறார். அவரது மகன் திருமணத்திற்கு ரஜினி, விஜய்,  போகவில்லை. அதை மனதில் வைத்தே இப்படியெல்லாம் செய்கிறார்கள்.

நான் படத்தை சத்யம், ஐநாக்ஸ், பி,வி,.ஆர், பல திரையரங்குகளில் வெளியிட்டுள்ளேன். ‘அங்கெல்லாம் நீங்கள் போடும் ஒப்பந்தத்தை ஏன் எங்களுடன் போடுவதில்லை?’ எனக் கேட்கிறார் செங்கல்பட்டு திரையரங்க உரிமையாளர். அங்கே இருக்கும் திரையரங்குகள் மாதிரியா நீங்கள் திரையரங்குகள் கட்டியுள்ளீர்கள். மேலும் நான் உங்கள் ஒப்பந்தத்திற்கு ஒப்புக்கொண்டாலும் நீங்கள் வசூலை சரியாக கொடுக்கப்போவதில்லை பின் எப்படி நான் உங்கள் ஒப்பந்தத்திற்கு ஒத்துழைக்க முடியும் என கோவமாக விளக்கம் கேட்கிறார் தாணு. மேலும் ராமானுஜம் (திரையரங்க உரிமையாளர்கள் சங்க முன்னாள் தலைவர்) போன்ற மேதைகள் இருந்த இடத்தில் இப்படிப்பட்ட ரவுடிகள் வந்து அமர்ந்துள்ளனர் எனவும் கூறினார்.

இன்று தமிழ்த் திரைப்படத் தயாரிப்பாளர்கள் சங்கத்தில் நடைபெற்ற பத்திரிகையாளர் சந்திப்பில் இவ்வாறு கொந்தளித்த தாணு, மேலும் ‘தெறி படம் வெளியான அனைத்து திரையரங்குகளிலும் நன்றாக ஓடிக்கொண்டிருக்கிறது. ஒரே நாள் வசூலாக சென்னையில் மட்டும் ஒரு கோடியைச் சம்பாதித்துள்ளது. எந்தப் படத்திற்காவது இப்படி வசூல் வந்திருக்கிறதா நாங்கள் ஒன்றும் கொள்ளைக்காரர்களோ, கொலை காரர்களோ இல்லை’ என்றார். 

படம் : பா.காளிமுத்து

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close