Vikatan.com

www.vikatan.com would like to send you push notifications.

Notifications can be turned off anytime from browser settings.

விஜய்சேதுபதியும் அந்த 11 கேரக்டர்களும்..!

அடுத்தடுத்து பட ரிலீஸூம், ஷூட்டிங்கும் என்று படுபிஸியான நடிகர் என்றால் அது விஜய்சேதுபதியாகத்தான் இருக்கும். இந்த வருடத்தில் 'சேதுபதி', 'காதலும்கடந்துபோகும்' ஆகிய படங்கள் ரிலீஸான நிலையில் அடுத்து 'இறைவி' வெளியாகவிருக்கிறது.

இவை தவிர, ‘தர்மதுரை’,‘இடம்பொருள்ஏவல்’,‘மெல்லிசை’,‘ஆண்டவன்கட்டளை’ உள்ளிட்ட படங்களும் முடிந்து வெளியாகத் தயாராகிவரும் நிலையில் அடுத்த படத்திற்கான படப்பிடிப்பிற்கு ரெடியாகிவிட்டார் விஜய்சேதுபதி.

ரத்னசிவா இயக்கத்தில் விஜய்சேதுபதி - லட்சுமிமேனன் கூட்டணியில் உருவாகவிருக்கும் படமே “ரெக்கை”. மே 6ம் தேதி இப்படத்திற்கான பூஜையும், தொடர்ந்து மே 11 படப்பிடிப்பையும் தொடங்கவிருக்கிறது படக்குழு. டி.இமான் இசையமைக்கவிருக்கும் இப்படத்தை காமன்மேன் பி.கணேஷ் தயாரிக்கிறார்.

ஏற்கெனவே லட்சுமிமேனன் ஹீரோயினாக நடித்த ஜிகர்தண்டா படத்தில் விஜய்சேதுபதி சிறப்புத்தோற்றத்தில் வந்தாலும், முக்கிய கதாபாத்திரத்தில் நடிக்க, இருவரும் ஜோடிசேருவது இதுவே முதல்முறை.

இப்படம் மட்டுமின்றி, கே.வி.ஆனந்த் இயக்கத்தில், விக்னேஷ் சிவன் இயக்கத்தில், புஷ்கர் காயத்ரி இயக்கத்தில் என்று விஜய்சேதுபதியின் படங்களின் பட்டியல்  எகிறிக்கொண்டே இருக்கிறது.  

கூட்டிக்கழித்துப்பார்த்தால் இந்தவருடம் 11 படங்களில் 11 விதமான கேரக்டர்கள்.   நிச்சயம் ரசிகர்களுக்கு வெரைட்டி விருந்தாக இருக்கும்.

நீங்க கலக்குங்க விஜய்சேதுபதி!!

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

MUST READ

எடிட்டர் சாய்ஸ்

பரப்பன அக்ரஹாரா சிறை முதல் அப்போலோ அறை வரை...! - ஜெயலலிதாவின் இரண்டு வருட டைம்லைன் #2YearsOfBangaloreVerdict
placeholder

தமிழகமே எதிர்பார்த்துக்கொண்டிருந்த வழக்கில், இரண்டு ஆண்டுகளுக்கு முன் இதே நாளில்தான் தீர்ப்பு வந்தது. வருமானத்துக்கு அதிகமாகச் சொத்து சேர்த்ததாகத் தொடரப்பட்ட அந்த வழக்கில், அ.தி.மு.க பொதுச் செயலாளர் ஜெயலலிதாவுக்கு, நான்கு ஆண்டுகள் சிறைத் தண்டனையும், 100 கோடி ரூபாய் அபராதமும் விதித்து, பெங்களூரு சிறப்பு நீதிமன்றம் தீர்ப்பு அளித்தது. தீர்ப்பு வந்து 731 நாட்கள் ஆகிவிட்டன. அந்த வழக்கிலிருந்து அவர் விடுதலையும் செய்யப்பட்டு, அதன்பின் ஒரு பொதுத் தேர்தலில் மீண்டும் வென்று முதல்வராகவும் பொறுப்பேற்றுவிட்டார். எல்லாம் அவருக்கு நன்றாகப் போய்க்கொண்டிருந்தபோது, ஒரு வியாழக்கிழமை இரவு உடல்நிலை சுகவீனம் அடைந்து அப்போலோவில் அனுமதிக்கப்பட்டார்.