Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சுற்றுச்சூழலை வலியுறுத்திய 'சுளீர்' சினிமாக்கள்..! #WhereIsMyGreenWorld

மிழ் சினிமா இடைவேளைகளில், 'நம்ம ஊருக்கு என்னதான் ஆச்சு? ' என்ற கேள்வியுடன் புகை மண்டலம் சூழ ஒரு விளம்பரம் வரும். அந்த விளம்பரம் திரையில் தோன்றும் சமயங்களில், பெரும்பாலோனோர் திரையரங்கக் கழிப்பிடங்களில், புகை மண்டலத்தின் நடுவே நின்றபடி, அதே கேள்வியை வேறுவிதமாகக் கேட்டுக்கொண்டிருப்பார்கள். ஒரு விளம்பரம் செய்ய முடியாத சமூக மாற்றத்தை முழு சினிமா செய்துவிட முடியுமா? அதற்கான சாத்தியங்கள் அரிதானது என்றாலும், சின்னச்சின்ன முயற்சிகளில் சில சினிமாக்கள் ஈடுபட்டிருக்கின்றன.

தண்ணீர் தண்ணீர்:

கோமல் சுவாமிநாதனின் கதை வசனத்தில் உருவான இந்தப் படம், அரசாங்கத்தால் முதலில் தடை செய்யப்பட்டு, பின்பு பல போராட்டங்களுக்குப் பிறகு வெளிவந்தது. தண்ணீர் இல்லாத கிராமமும், அதற்கான முயற்சிகளும், அரசின் அலட்சியமும், மக்களின் போராட்டங்களும், தீர்வில்லாத வேதனையுமாய் தமிழ் சினிமாவுக்கான காம்ப்ரமைஸ் குறைந்த ஒரு சினிமா எனலாம்.

கனா கண்டேன்:

இப்போது பெரும் கமர்ஷியல் இயக்குநராய் கவனிக்கப்படும் கே. வி. ஆனந்தின் முதல் படம். சுபாவின் கதை வசனத்தில் உருவான இந்தப் படம், கடல் நீரை குடிநீராய் மாற்ற முனையும் ஓர் இன்ஜினீயரின் கனவினைப் பேசியது. கமர்ஷியல் சமரசங்கள் செய்திருந்தாலும், படம் பெரிய அளவில் போகாததாலோ என்னவோ கே. வி. ஆனந்த், தன் கனவையும் மாற்றிக்கொண்டுவிட்டார் போலும்.

ஈ மற்றும் பேராண்மை:

இயக்குநர் எஸ்.பி. ஜனநாதனின் இரண்டு சினிமாக்களுமே சுற்றுச்சூழல் குறித்த அக்கறை பேசின. பரிசோதனை எலியாக மனிதனை மாற்றும் வல்லரசுகளின் நடுவே, ஈ படம் இயற்கை மாற்றத்தையும் பதிவு செய்தது. 'பேராண்மை'யோ, அழிக்கப்படும் காடுகளின் அலறலைப் பதிவு செய்தது. மேலும் '49 ஓ' மற்றும் 'கத்தி' ஆகியவை விவசாயிகளின் பிரச்னைகளைப் பேசியது.

'கத்துக்குட்டி'யும் மீத்தேன் திட்டத்தினால் மக்கள் நலன் பாதிப்பதை சற்றே தள்ளாட்டத்துடன் பேசியது. இப்படி ஆங்காங்கே சின்னச்சின்ன பதிவுகள் இருந்தாலும், சுற்றுச்சூழல் மாசுபடுவது குறித்து எடுக்கப்பட்ட வெளிநாட்டு சினிமாக்களில் காணப்பட்ட அளவுக்கான அழுத்தம், இங்கே பெரிய அளவில் இல்லை என்பது பெரும் குறைதான்.

- கணேசகுமாரன் -

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close