Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ச்சும்மா அப்பிடி வந்திருக்குல்ல படம்! கபாலி பார்த்துச் சிலிர்த்த ரஜினி

இதோ வந்துவிட்டது கபாலி டீசர். உலக அளவில் 14 மில்லியன் தாண்டி ஜுராஸிக் வேல்ட் படத்தை ஜுஜூப்பியாக்கி விட்டது. ''கோச்சடையான்'' படத்தை பொம்மைபடம் என்று கூறியவர்களையும்,  ''லிங்கா'' ரஜினி அம்புடுதேன்  என்று சொன்னவர்களையும்  வியக்கவைத்திருக்கிறது கபாலி டீசர்.

தெலுங்கு டீசரில் 9மில்லியன் தாண்டி காரபூமிகாரர்களின் வயிற்றில் புளியை கரைத்து இருக்கிறது கபாலி. மே 1 பகல் 11 மணிக்கு கபாலி டீசர் ரிலிசானது. சரியாக 11.10மணிக்கு தயாரிப்பாளர் ''கலைப்புலி'' தாணுவுக்கு ஒரு போன் வந்தது. எதிர்முனையில் பேசிய இசையமைப்பாளர் சந்தோஷ் நாராயணன் அவரது மனைவி இருவரும் ஆனந்த பெருக்கில் தேம்பித் தேம்பி அழுகின்றனர். அவர்களுக்குப் பதில் சொல்ல முடியாமல் கலைப்புலி கண்களிலும் கண்ணீர் கசிகிறது.

அன்றைய தினம் ''2.0" படத்திற்காக விக் செக்கப் செய்ய வேண்டி இருந்ததால் ரஜினியை தனது ஆபீஸுக்கு வரச்சொல்லி இருந்தார் டைரக்டர் ஷங்கர். அதன்பின் சங்கரின் ஆபீஸில் வேலை செய்பவர்கள் அவரது உதவி டைரக்டர்கள் அமர்ந்து லேப்டாப்பில் கபாலி டீசரை பார்த்தார் ரஜினி. அதன்பின் அவர்கள் தோள்களில் கைபோட்ட படி ''ஏம்ப்பா கபாலி டீசர் ஓகே வா... தேறிடுமா..." என்று தாடையை தடவியபடி வெள்ளந்தியாய் கேட்டார் ரஜினி. எல்லோரும் சந்தோஷத்தில் ''சூப்பர் தலைவா'' என்று சொல்லி விசில் அடித்து ஓ போட அந்தக்கால மணப்பெண் போல் வெட்கத்தில் நெளிந்தார் ரஜினி.

தமிழில் தனுஷ், சிவகார்த்திகேயன், கார்த்திக் சுப்புராஜ் எல்லோரும் தங்களது டிவிட்டரில் ''கபாலிக்கு ஜே'' என்று வாழ்த்தியிருக்கிறார்கள். ''என்ன இருந்தாலும் தலைவன் தலைவன்தான்" என்று சிம்பு சிலாகித்து இருக்கிறார்.

''தென் இந்தியா சினிமா புகழை உலகத் தரத்துக்கு கொண்டு போன ரஜினிஜி உண்மையிலேயே சூப்பர் மேன்" என்று மகேஷ்பாபுவும், ''ஜுராஸிக் வேல்ட் படத்தை உலக அளவில் இரண்டாம் இடத்துக்கு தள்ளியவர் நம்ம ஊர் ஹீரோ சூப்பர் ஸ்டார் ரஜினி சார்" என்று பவன்கல்யாண் பாராட்டி உள்ளனர்.

ரஜினி ரசிகர்களை எப்படி திருப்தி படுத்துவது என்கிற உதறலோடு இருந்தார் டைரக்டர் ரஞ்சித். தான் பரபரப்பாக செய்த ''கபாலி" டீசரை போயஸ் கார்டன் சென்று ரஜினியிடம் காட்டினார்.  ரஜினி என்ன சொல்வாரோ என்று பதைபதைத்து கொண்டு இருந்தபோது கபாலி டீசரை அருகில் இருந்து பார்த்த சௌந்தர்யா ''கபாலிடா'' என்று ரஜினி சொன்னதும் துள்ளிக் குதித்து கை தட்ட ரஜினி முகத்தில் பரவசம்.

ரஜினி ரியாக்‌ஷன் தான் என்ன? ''கபாலி"யின் டபுள் பாஸிட்டிவ் பார்த்துவிட்டு வெளியில் வந்த ரஜினி 2 நிமிஷம் மௌனமாக இருந்தார். ''என்ன தாணு... இப்படித்தான் வரும்னு  நினைச்சிருந்தேன். சும்மா அப்படி வந்துருக்கு..." என்று சொல்லி ஆஹா... என உணர்ச்சி பெருக்காய் சிரித்தவர் அடுத்து சொன்னது பெரிய ஹை லைட் ''முன்னாடி எல்லாம் பாலசந்தர் சார் என்னை நடிக்க வச்சி வேலை வாங்குவார். அதுக்கு அப்புறம் நான் நடிச்ச படங்கள்ல எல்லாம் டைரக்டர்கள் என்ன சொன்னார்களோ அத கேட்டு அப்படியே நடிச்சேன் அவ்வளவுதான். இப்போ கபாலில என்கிட்ட ரஞ்சித் வேலை வாங்குறத பார்த்தப்ப எனக்கு பாலசந்தர் சார் ஞாபகம் வந்துச்சு என்று நெகிழ்வோடு சொன்னாராம் ரஜினி.

-எம்.குணா.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close