Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'கபாலி' ரிடர்ன் - 3, ரிலீஸ் - 22.... முதல் பிரின்ட் ரெடி...

'கபாலி' ஃபீவர் பூமிப்பந்தைத் தாண்டி ஆகாயத்தை உரசும் அலுமினிய புறா விமானத்திலும் பரவிவிட்டது. 20 ஆண்டுகளுக்கு முன்பு  கலைப்புலி தாணு,  'எனக்கு மட்டும் ரஜினிசார் கால்ஷீட் கொடுத்தால் அந்த படத்தின் பூஜையின் போது ஹெலிகாப்டரில் இருந்து மலர் தூவுவேன், நோட்டீஸ் பிரயோகிப்பேன்' என்று பிரகடனப்படுத்தினார். அன்று சொன்னதை இன்று மறக்காமல் விமானத்திலேயே 'கபாலி' பட விளம்பரத்தைச் செய்து பிரமிக்க வைத்து விட்டார். 

ஏர் ஆசியா விமான நிறுவனத்துடன் ஆறுமாத ஒப்பந்தம் செய்து இருக்கிறார். 'கபாலி ' ரிலீஸாகி ஆறுமாத காலம்வரை விளம்பர விமானம் வானத்தில் ஓடும் மேகநதியில் நீச்சலடிக்கும்.  அதற்கான  மட்டும்  விரல்விட்டு எண்ண முடியாத பலகோடிகள் செலவு. 'கபாலி' விமான விளம்பரத்தைப் பார்த்து பாலிவுட் சினிமா விக்கித்து நிற்கிறது.

ஹைதராபாத்தில்  'கபாலி' படத்தின் ஆடியோ வெளியீட்டு விழா நடந்தது. இயக்குனர் ரஞ்சித், இசையமைப்பாளர் சந்தோஷ் நாராயணன் கலந்து கொண்ட அந்த நிகழ்ச்சியை ஆந்திராவில் உள்ள ஒரு டிவி சேனல் நேரடி ஒளிபரப்பு செய்தது. அந்த நிகழ்ச்சி முழுவதையும் அமெரிக்காவில் இருந்தபடி ரஜினி டிவியில் பார்த்து ரசித்தார்.

சென்னைக்கு ஜூலை 3-ம்தேதி திரும்புகிறார், ரஜினி என்று உறுதியாகச் சொல்கிறார்கள். தேதி தள்ளிப்போனால் ஆச்சர்யப்படுவதற்கு இல்லை.  'கபாலி' படத்தின் முதல்பிரின்ட் ரெடியாகி விட்டது. முன்பு 'கபாலி'யின் டபுள்  பாசிட்டிவ் பார்த்துவிட்டுச் சென்ற ரஜினி சென்னை வந்தவுடன்  'கபாலி'யின் முதல் பிரின்ட் பார்க்கிறார்.

தமிழ், தெலுங்கு, ஹிந்தி மொழிகளில் போஸ்ட் புரொடக்‌ஷன் உட்பட அனைத்தும்  முடிந்தது.   மலேசியாவில் பேசும் 'மலாய்' மொழியின் டப்பிங் உடனே முடிந்துவிடும் எதிர்பார்த்தனர் ஆனால் முடியவில்லை. மலாய் மொழி பேசுபவர்கள் மலேசியா, இந்தோனேசியா என்று முக்கியமான ஆறு பகுதிகளில்  அதிகம் உள்ளனர்.  மலாய் டப்பிங் பிரச்னையால் மட்டுமே ரிலீஸ் தேதி தள்ளிப் போனது.

'கபாலி'யை ஜூலை 1-ம்தேதி சென்சார் செய்து,  15-ம்தேதி ரிலீஸ் செய்ய வேண்டும் என்று மும்முரமாக இறங்கினார், தயாரிப்பாளர் தாணு. எனினும் மலாய் டப்பிங் காலதாமதம் ஆனது. இப்போது ஜூலை 7-ம்தேதி சென்சார், 22-ம்தேதி ரிலீஸ் உறுதி. கேரள விநியோக உரிமையை மோகன்லாலும், கர்நாடக உரிமையை 'லிங்கா' தயாரிப்பாளர் ராக்லைன் வெங்கடேஷூம் வாங்கி உள்ளனர்.

திரையில் 2-மணிநேரம், 32-நிமிஷம் ஓடக்கூடிய 'கபாலி'  மூன்று பீரியட் கொண்ட படம். 30-வயது ரஜினி, 45-வயது ரஜினி, 60-வயது ரஜினி என்று மூன்றுவித கெட்டப்புகளில்  தோன்றி துவம்சம் செய்கிறார்.  மூன்று பீரியட்டிலும் ரஜினியுடன் மோதும் அதகள வில்லனாக வின்ஸ்டன் சாவோ நடிக்கிறார்.

- எம். குணா

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close