Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

விஜய் 60 படத்திற்கு - எம்.ஜி.ஆர். பட டைட்டிலா?

ரதன் இயக்கத்தில் விஜய், கீர்த்தி சுரேஷ், சதீஷ் உட்பட பலர் நடிக்கும் "விஜய் 60"  படத்திற்கான படப்பிடிப்பு மூன்று கட்டமாக நடந்துவருகிறது.  முதல் கட்டமாக பெரம்பூர் பின்னி மில்லில் பெரிய அளவில் செட் போட்டு தொடங்கியது  தற்பொழுது மூன்றாம் கட்ட படப்பிடிப்பை நெருங்கியிருக்கிறது.

“அதிகப்படியான பஞ்ச் வசனங்கள் படத்தில் எனக்கு வேண்டாம் என்றும் எதார்த்தமாக வாழ்க்கையில் நடக்கும் வசனங்களே போதும்” என்பது போலவும் இயக்குநர் பரதனிடம் விஜய் சொல்லியிருப்பதாகக் கேள்வி. அதற்கேற்பத்தான் விஜய்க்கான வசனங்களை இப்படத்தில் பரதன் எழுதியிருக்கிறாராம்.

அதுமட்டுமின்றி, கீர்த்தி சுரேஷின் நடிப்பும், முகபாவனையும், விஜய்யுடன் வரும் காட்சிகளும் இந்த படத்தின் ஹைலைட்டாக இருக்கும் என்றும், இருவருக்குமான காட்சிகளின்  படப்பிடிப்பு சிறப்பாக வந்திருப்பதாகவும் இயக்குநர் பரதன் கூறியிருக்கிறார்.

இந்நிலையில் விஜய் 60 வது படத்திற்கான டைட்டில் என்ன என்பது ரசிகர்கள் மத்தியில் பெரும் எதிர்பார்ப்பை உண்டாக்கியுள்ளது. படக்குழுவினர் டைட்டில் பற்றியான தீவிர ஆலோசனையில் தற்பொழுது இருக்கின்றனர். விஜய் 60வது படத்திற்கு எம்.ஜி.ஆர் படத்தின் பெயரை வைக்கலாம் என்று பேச்சுவார்த்தை நடந்துவருவதாக தெரிகிறது. இதன்படி, எம்.ஜி.ஆர். நடித்து 1965ல் வெளியான “எங்க வீட்டு பிள்ளை” பட டைட்டிலையே, விஜய் 60க்கு வைக்கலாம் என்று பேசிவருகின்றனர்.

இதில் சுவாரஸ்யம் என்னவென்றால், எங்க வீட்டுப் பிள்ளை படத்தைத் தயாரித்த 'விஜயா புரொடக்‌ஷன்' நிறுவனம் தான் தற்பொழுது விஜய் 60வது படத்தையும் தயாரித்துவருகிறது.

படத்தின் படப்பிடிப்பு மே மாதம் தொடங்கியது. இன்னும் ஓரிரு மாதங்களில் படப்பிடிப்பு நிறைவடையும் என எதிர்பார்க்கப்படுகிறது. 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close